पांगरी रोड परिसरात एका ९ वर्षीय शाळकरी मुलाचे अपहरण झाल्याने एकच खळबळ उडाली.अपहरणकर्त्याने मुलाच्या वडिलांकडून ५ लाख रुपयांची खंडणी मागितल्याचेही समोर आले आहे. घटनेची गांभीर्यता ओळखून पोलीस अधीक्षकांनी तात्काळ गुन्हा दाखल करण्याच्या सूचना शिवाजीनगर पोलीस ठाण्याला दिल्या.अवघ्या एका तासात स्थानिक गुन्हे शाखेच्या कर्मचाऱ्यांनी अतिशय वेगाने तपास करत मुलाची सुटका करत आरोपीला अटक केली.सध्या आरोपी स्थानिक गुन्हे शाखेच्या ताब्यात असून, पुढील चौकशीसाठी त्याला शिवाजीनगर पोलिसांच्या ताब्यात दिले जाणार आहे.