घटना काय होती?

पारोळा तालुक्यातील करंजी येथील रहिवासी वैजयंती गणपत माळी (वय 85) या पतीच्या निधनानंतर घरात एकट्याच राहत होत्या. त्यांना स्वतःचे अपत्य नसल्यानं त्या आपल्या सख्या बहिणीचा मुलगा प्रशांत उत्तम माळी याला मुलाप्रमाणे मानत होत्या आणि त्याला वेळोवेळी आर्थिक मदतही करत होत्या. 3 ऑगस्ट सोमवारी रोजी वैजयंती माळी या आपल्या घरातून अचानक बेपत्ता झाल्या. अनेक दिवस शोध घेऊनही न सापडल्यानं 9 ऑगस्ट रविवारी रोजी पारोळा पोलीस ठाण्यात त्या हरवल्याची नोंद करण्यात आली. तपासादरम्यान संशय वाढल्यानं 19 ऑगस्ट बुधवार रोजी पारोळा पोलिसांत अपहरणाचा गुन्हा दाखल करण्यात आला.

Nagpur News : मैकबेथने खऱ्या मित्राला संपवलं, हे शेक्सपियरचं नाटक नाही, वास्तव आहे, आनंदात एकत्र दारु प्यायले अन् जीव घेतला

पोलिसांचा संशय बळावला

तपासादरम्यान पोलिसांना माहिती मिळाली की, वैजयंती माळी बेपत्ता झाल्याच्या दिवसापासूनच त्यांचा भाचा प्रशांत माळी हा देखील गावातून अचानक गायब झाला होता. पोलिसांनी परिसरातील सीसीटीव्ही फुटेजची अत्यंत बारकाईने तपासणी केली. 3 ऑगस्ट सोमवारी रोजी सकाळी 6 वाजेच्या सुमारास प्रशांत करंजी गावात आला होता. एका फुटेजमध्ये वैजयंती माळी या घाईघाईने घराबाहेर पडून एका कारमध्ये बसताना दिसून आल्या. तपासात समोर आलं की, प्रशांतवर एचडीएफसी बँकेचे कर्जाचे हप्ते आणि लोकांची उधारी होती. हे कर्ज फेडण्यासाठी त्याची नजर मावशीच्या अंगावरील सोन्याच्या दागिन्यांवर होती.

35 दिवसांनंतर धुळ्यातून मुसक्या आवळल्या

घटना घडल्यापासून आरोपी प्रशांत पोलिसांना गुंगारा देत फरार झाला होता. मात्र, जळगाव पोलिसांच्या पथकाने मानवी गुप्तवार्ता आणि तांत्रिक तपासाच्या आधारे गोपनीय माहिती मिळवत 12 सप्टेंबर शनिवारी रोजी धुळे येथून प्रशांतला शिताफीने ताब्यात घेतलं. प्रशांतने मावशी वैजयंती यांना ‘साडूच्या वडिलांचं निधन झालं असून अंत्यविधीसाठी शिरसोलीला जायचं आहे’, असं खोटं सांगून विश्वासात घेतलं आणि कारमध्ये बसवलं. गाडी धुळे जिल्ह्यातील मुकटीपासून 7-8 किमी अंतरावर आल्यावर प्रशांतने त्यांच्याकडे सोन्याचे दागिने मागितले. वैजयंती यांनी विरोध केला असता त्यांच्यात झटापट झाली आणि त्या निपचित पडल्या. त्यानंतर प्रशांतने कापडाच्या साहाय्याने त्यांचा गळा आवळून खून केला.

Baramati Crime : चोरीसाठी घरात शिरला, बेडरुममध्ये घुसून महिलेला संपवलं, गर्भवती महिलेवर जखमी अवस्थेत अत्याचार; बारामतीमधील वैशाली पवार प्रकरणात ट्विस्ट

मृतदेह घेऊन कारमध्ये फिरला

खून केल्यानंतर त्याने मावशीच्या अंगावरील सर्व दागिने काढून घेतले. रात्री मृतदेह कारच्या डिक्कीत टाकून तो मुकटी येथील घरी गेला आणि शांतपणे झोपला. दुसऱ्या दिवशी 4 ऑगस्ट मंगळवारी रोजी मृतदेहाची विल्हेवाट कुठे लावायची या विचारात तो दिवसभर कारमध्ये मृतदेह घेऊन फिरत होता. दुपारी त्याने लुटलेले सोने एका सोनाराकडे विकून रोख रक्कम मिळवली. त्यानंतर रात्रीच्या अंधारात बायपास हायवेवरील एका ड्रेनेज पट्टीच्या सिमेंटच्या गॅपमध्ये मृतदेह फेकून दिला.

घटनास्थळी सापडला मानवी सांगाडा

आरोपी प्रशांतने दिलेल्या माहितीच्या आधारे काल रविवारी रोजी जळगाव पोलिसांच्या पथकाने घटनास्थळी जाऊन शोध घेतला असता, तेथे अत्यंत कुजलेल्या अवस्थेत मानवी अवशेष आणि सांगाडा आढळून आला. पोलिसांनी सर्व अवशेष फॉरेन्सिक तपासासाठी ताब्यात घेतले आहेत.