कोरटकरवर कोल्हापूर जिल्हा सत्र न्यायालयाच्या परिसरात दोनदा हल्ला झाला आहे. सुनावणीच्या सुमारास कोरटकरवर हल्ल्याचे प्रकार घडले. कोटककरनं केलेल्या विधानामुळे शिवशंभू भक्तांच्या भावना दुखावल्या आहेत. त्यामुळे त्याच्या विरोधात प्रचंड रोष आहे. याच कारणास्तव त्याची तुरुंगातून सुटका होत असताना पोलिसांचा मोठा फौजफाटा तैनात होता. सुटकेनंतर कोरटकरला नेमकं कुठे सोडलं जातंय, याबद्दल पोलिसांनी कमालीची गुप्तता पाळली होती.
देवाला बकरा देण्यास निघाले, कारला भीषण अपघात; चौघे देवाघरी, पण बकऱ्यालाच देव पावला
कोरटकरला विमानानं बंगळुरुला पाठवण्यात येईल. त्यानंतर तिथून तो नागपुरला जाईल, अशी माहिती आधी पुढे आली होती. पण प्रत्यक्षात मात्र कोरटकर कोल्हापूरवरुन मुंबईच्या दिशेनं रवाना झाला. तो विमानानं मुंबईला येत आहे. मुंबईवरुन तो नागपुरला जाणार आहे. कोरटकर मूळचा नागपूरचा रहिवासी आहे. कोरटकरला बंगळुरुला पाठवण्यात येणार असल्याची ‘बातमी’ पेरुन पोलिसांनी सगळ्यांनाच चकवा दिला. प्रचंड गुप्तता पाळत पोलिसांनी कोरटकरला मुंबईच्या दिशेनं रवाना केलं.
कुटुंबापासून दूर, मित्रांसोबत भुर्र, परदेश वाऱ्या भरपूर; ‘ऑपरेशन ऑडी’नं PWD इंजिनीअर अटकेत
कळंबा कारागृहातून पोलीस कोरटकरला घेऊन बाहेर पडले. त्यावेळी तिथे मोठा पोलीस बंदोबस्त होता. पोलीस कोरटकरला घेऊन बाहेर पडल्यानंतर प्रसारमाध्यमांच्या गाड्या रोखण्यात आल्या. पोलिसांनी माध्यम प्रतिनिधींची वाहनं थांबवल्यानं मोठा गोंधळ झाला. यावेळी माध्यम प्रतिनिधी आणि पोलिसांमध्ये काहीशी बाचाबाची झाली. कोरटकरला विमानतळापर्यंत सुरक्षित पोहोचवण्यात कोल्हापूर पोलीस यशस्वी ठरले. कोरटकर काही वेळात मुंबईत दाखल होईल. तिथून कनेक्टिंग फ्लाईटनं तो नागपुरला रवाना होणार आहे.