Nashik District Bank: जिल्हा बँकेच्या १८२ कोटींच्या अनियमिततेचा ठपका असलेल्या कृषिमंत्री ॲड. माणिकराव कोकाटेंसह चार आमदार आणि एक खासदारांनी बँक बचावासाठी घेतलेला पुढाकार आता चर्चेचा विषय बनला आहे.
कोकाटेंसह चार आमदार आणि खासदार अशा २५ माजी संचालकांकडील वसुलीसाठी सहकार विभागात सुनावणी सुरू असताना, या थकबाकीदारांनीच वसुलीसाठी सुरू केलेल्या प्रयत्नांवर आता शेतकऱ्यांकडूनच संशय व्यक्त केला जात आहे. दरम्यान, कृषिमंत्री कोकाटे यांनी बँक वाचविण्यासाठी आज (दि. ११) जिल्हाधिकाऱ्यांकडे बैठक बोलावत सर्व आमदार, खासदारांना आमंत्रित केल्याने या थकबाकीदारांची सक्रियता संशयास्पद बनली आहे.
Shivshahi Bus: ‘शिवशाही’बाबत प्रवाशांत तीव्र नाराजी; बंद एसी, मळके पडदे, फाटक्या आसनांमुळे होतेय गैरसोय
जिल्हा बँकेच्या माजी संचालकांनी घेतलेल्या चुकीच्या आर्थिक निर्णयामुळे जिल्हा बँक सध्या आर्थिक संकटात आहे. जिल्हा बँकेच्या निव्वळ कर्जाची थकबाकी ही २,१०० कोटींपर्यत पोहचली आहे. विशेष म्हणजे, ५५ हजार थकबाकीदारांकडे पाच लाखांपेक्षा अधिकचे कर्ज थकीत आहे. जिल्हा बँकेच्या कर्जाची एकीकडे वसुली होत नसताना, ठेवीदार मात्र दोन हजार कोटींच्या ठेवी परत मिळवण्यासाठी तगादा लावत आहेत. त्यामुळे जिल्हा बँकेच्या प्रशासकाने जिल्ह्यातील बड्या थकबाकीदारंची यादीच तयार करीत वसुली सुरू केली आहे. या थकबाकीदारांची बँकेने आधीच ट्रॅक्टर, जीपसारखी वाहने जप्तीसह शेतकऱ्यांच्या सातबाऱ्यावर नावे लावण्याचे काम सुरू आहे. परंतु, या कारवाईत लोकप्रतिनिधींकडूनच खोडा आणला जात असल्याने बँक प्रशासकांची अडचण झाली आहे. राज्यात नाशिकसह नागपूर, वर्धा आणि धाराशीव या जिल्हा बँकांची आर्थिक परिस्थितीमुळे ‘आरबीआय’ने बँकांचा परवाना रद्द करण्याचा इशारा दिला. त्यामुळे सहकार सचिव प्रवीण दराडे यांनी गेल्या आठवड्यात बैठक घेऊन ‘ॲक्शन प्लॅन’ तयार करण्यासह कडक धोरण अवलंबिण्याचे आदेश दिले .
बचत गटाआडून धान्याचा काळाबाजार; मानखुर्दमधील तीन शिधावाटप दुकानांवर अधिकाऱ्यांचे छापे
बँक बचाव मोहीम संशयास्पद
नाशिक जिल्हा बँकेतील १८२ कोटींच्या अनियमिततेप्रकरणी मंत्री कोकाटेंसह जिल्ह्यातील डॉ. राहुल आहेर, दिलीप बनकर, ॲड. राहुल ढिकलेंसह चार आमदार आणि खासदार डॉ. शोभा बच्छावांसह २५ माजी संचालक अडचणीत आले आहेत. जिल्हा बँकेच्या ३४७ कोटींच्या कर्जवितरण प्रकरणात १८२ कोटींची अनियमितता झाल्याचा ठपका तत्कालीन विभागीय सहनिबंधक गौतम बलसाने यांच्या चौकशी समितीने ठेवला होता. सहकार, पणन व वस्त्रोद्योग विभागाने महाराष्ट्र सहकारी संस्था अधिनियम १९६० च्या कलम १५२ अन्वये वसुलीसाठी या संचालकांवर कारवाई सुरू असून, त्याची सुनावणी १६ एप्रिल रोजी होणार आहे. या सुनावणीपूर्वीच या थकबाकीदार संचालकांनी बँक बचाव मोहीम सुरू केल्याने आश्चर्य व्यक्त केले जात आहे.
गडचिरोलीत दीड कोटी रुपयांचा धान घोटाळा! दोषींवर कडक कारवाई, जिल्हाधिकाऱ्यांचे आदेश
…अशी आहे वसुलीची रक्कम (कोटीमध्ये)
कृषिमंत्री ॲड. माणिकराव कोकाटे (१.८७), खासदार डॉ. शोभा बच्छाव (२.११), आमदार नरेंद्र दराडे (८.८९), दिलीप बनकर (८.६५), डॉ. राहुल आहेर (०.४३), ॲड.राहुल ढिकले (८.७६), माणिकराव शिंदे (०.६७), देवीदास पिंगळे (८.६५), राजेंद्र भोसले (८.७८), राघो अहिरे (८.८९), सुचेता बच्छाव (२.११), चंद्रकांत गोगड- (१.३२ ), दत्ता गायकवाड (०.६७), नानासाहेब पाटील (८.७८), राजेंद्र डोखळे (८.८९), जे. पी. गावित (७.२१), माणिकराव बोरस्ते (७.०२), धनंजय पवार (७.५७), शिरीषकुमार कोतवाल (१.९८), वैशाली कदम (८.५४), वसंत गिते (१.८९) गणपतराव पाटील (८.८९), संदीप गुळवे (७.५७)
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा