रामदास गोविंद गवस (वय 43, रा. मांगेली, तळेवाडी) असे मयत युवकाचे नाव आहे. रानात काजू बिया जमवण्यासाठी तो गेला होता. याचवेळी माकडाने फांदी हलवल्याने त्या ठिकाणी असलेल्या माशांच्या घराला काहीसा धक्का लागला आणि माशांनी जवळ असलेल्या युवकावर चवताळून हल्ला केल्याची माहिती आहे.

दोडामार्ग तालुक्यातील मांगेली येथे तुमसड माशांच्या हल्ल्यात गंभीररित्या जखमी झालेल्या एका युवकाचे उपचारादरम्यान निधन झाले आहे. रामदास गोविंद गवस (43, रा. मांगेली – तळेवाडी) असे त्यांचे नाव आहे. रामदास यांच्या जाण्याने गवस कुटुंबावर दुःखाचा मोठा डोंगर कोसळला आहे.

जवळच गोव्यात कामाला असलेला रामदास रामनवमीच्या दिवशी उत्सवानिमित्त गावी आला होता. याच दिवशी तो दुपारी काजूबिया जमवण्यासाठी रानात गेला होता. रामनवमी दिवशी काजू बिया जमवून संध्याकाळी तो गोवा येथे आपले नोकरीनिमित्त परत जाणार होता. मात्र याचवेळी त्यांच्याव तुमसड माशांनी जोरदार हल्ला केला होता.
Shirdi Beggars Death : माझा बाप भिकारी नव्हताच, मुलीचा टाहो, शिर्डीतील चार भिक्षेकरींच्या मृत्यू प्रकरणात ट्विस्ट
रामदास गवस हे रामनवमी दिवशी आपल्या काजूबागेत काजू गोळा करण्यासाठी गेले असता त्यांच्यावर तूमसड माशांनी हल्ला केला. यात ते गंभीर जखमी झाले होते. त्यांना उपचारासाठी साटेली भेडशी येथील प्राथमिक आरोग्य केंद्रात आणण्यात आले. मात्र ते गंभीर जखमी झाल्याने त्यांना पुढील उपचारासाठी बांबोळी गोवा येथे हलविण्यात आले. तेथे उपचार सुरू असताना उपचारादरम्यान त्यांचे गुरुवारी निधन झाले. त्यांच्या पश्चात पत्नी, मुलगा, मुलगी असा परिवार आहे.
Palghar Accident CCTV : पतीच्या उपचारासाठी रुग्णालयात, छायालता ताईंना हॉस्पिटलबाहेरच डॉक्टरच्या कारने चिरडलं, वेदनादायक अंत
या माशा सहसा कोणावर हल्ला करत नाहीत मात्र त्यांच्या घरट्याला कोणाचा चुकूनही धक्का लागल्यास त्या पिसाळतात व हल्ला करतात असं या क्षेत्रातील जाणकार सांगतात.