पती-पत्नीत वाद अन् भयंकर घडलं

वाशिमच्या मंगरुळपिर तालुक्यातील पिंप्री बुद्रुक येथील गौतम वर (वय 52 वर्षे ) आणि त्यांची पत्नी ज्योती वर ( वय 45 वर्षे ) यांच्यामध्ये रात्रीच्या सुमारास जोरदार भांडण झालं. त्यानंतर संतप्त झालेल्या पती गौतम वर याने पत्नी ज्योती हिच्यावर तीक्ष्ण विळ्याने आणि लोखंडी रॉडने जबर वार करून तिची हत्या केली.

त्यानंतर पती गौतम वर याने घरा शेजारील टिनाच्या शेडमध्ये गळफास घेत आपला जीव दिला. घटनेची माहिती मिळताच उपविभागीय पोलीस अधिकारी अरज यांनी मंगरूळपिर पोलिस स्टेशनचे ठाणेदार यांच्यासह घटनास्थळी दाखल होत दोन्ही मृतदेह ताब्यात घेतले, शवविच्छेदनासाठी मंगरुळपिर ग्रामीण रुग्णालयात पाठविण्यात आले आहेत.
Prasanna Sankar: कितीही वेदनेत असले तरी मला करावंच लागायचं; वेश्या, ओपन मॅरेज अन्… प्रसन्ना शंकरच्या पत्नीने काय-काय सांगितलं?

घटनास्थळी चार ओळींची सुसाईड नोट

घटनास्थळी पोलिसांना एक चार ओळीची चिठ्ठी मिळाली आहे. ही चिठ्ठी आपली जीवनयात्रा संपवलेल्या गौतम वर याने लिहिली असावी असा संशय व्यक्त केला जात असून एका संशयिताला चौकशीसाठी पोलिसांनी ताब्यात घेतले आहे.

दोन मुलं अनाथ

मृतक गौतम आणि ज्योती यांना एक मुलगा आणि एक मुलगी आहे. मुलीचा विवाह झाला असून मुलगा कामानिमित्त बाहेरगावी राहतो. पत्नीच्या चरित्रावर संशय घेऊन उचललेल्या टोकाच्या पावलामुळे दोन्ही मुले अनाथ झाली आहेत.

तर पिंप्री बुद्रुक गावात घडलेल्या पती पत्नीच्या दुहेरी मृत्यूमुळे हळहळ व्यक्त होत आहे. या घटनेचा तपास मंगरुळपिर पोलीस स्टेशनचे ठाणेदार सुधाकर आडे यांच्या सह त्यांची चमू करत आहे. या प्रकरणातील एक चार ओळीची चिट्ठी पोलिसांनी जप्त करत एकाला ताब्यात घेतलं असून पुढील तपास मंगरुळपिर पोलिस करत आहेत.