तनिषा भिसे यांचा मृत्यू झाल्यानंतर थेट समिती देखील स्थापन करण्यात आली. यादरम्यान तनिषा भिसे यांच्याबद्दल खासगी माहिती थेट प्रसारमाध्यमांसमोर येऊन रुग्णालय प्रशासनाने सांगितली. तनिषा भिसे यांची प्रसूती गुंतागुंतीची होती आणि काही वर्षांपासून त्यांचे उपचार आमच्याकडे सुरू होते. आम्ही त्यांना अनाथ बाळ दत्तक घेण्याचा सल्ला देखील दिल्याचे रुग्णालयाकडून थेट सांगण्यात आले.
छगन भुजबळांचा सरकारला घरचा आहेर, महात्मा फुले वाड्याच्या रखडलेला कामावरून आक्रमकभिसे कुटुंबियांनी घेतला मोठा आक्षेप

रुग्णालयाकडून तनिषा भिसे यांची खासगी माहिती सांगण्यात आल्याने कुटुंबियांनी आक्षेप घेतला होता. आता रुग्णाची गोपनीय माहिती उघड केली म्हणून भिसे कुटुंबाकडून तक्रार दाखल करण्यात आलीये. भिसे कुटुंबियांकडून चुकीचे आरोप केले जात असल्याचा दावा अगोदर दीनानाथ मंगेशकर रुग्णालयाकडून करण्यात आला होता. अपूर्ण माहिती देत असल्याचेही त्यांनी स्पष्ट म्हटले होते. तनिषा भिसे यांना लग्नानंतर मुल होत नव्हते.

रुग्णाची गोपनीय माहिती उघड केल्याचा आरोप

आता पुण्यातील अलंकार पोलिस स्टेशनमध्ये भिसे कुटुंबियांनी तक्रार केलीये. रुग्णाची गोपनीय माहिती उघड केली म्हणून भिसे कुटुंबाकडून ही तक्रार दाखल करण्यात आलीये. डॉक्टर सुश्रुत घैसास आणि धनंजय केळकर यांच्यावर गुन्हा दाखल करण्याचीही मागणी भिसे कुटुंबियांकडून करण्यात आलीये. दीनानाथ मंगेशकर रुग्णालयाच्या समस्यांमध्ये वाढ होताना दिसतंय. तनिषा भिसे प्रकरणानंतर डॉक्टर सुश्रुत घैसास यांनी राजीनामा दिला आहे. केळकर यांनी सुश्रुत घैसास यांनी राजीनामा का दिला हे सांगितले.