Kalyan Crime News : कल्याणमध्ये गावठी पिस्तूल बाळगणाऱ्या बिंधास म्हात्रे नावाच्या एका व्यक्तीला पोलिसांनी अटक केली आहे. गुप्त माहिती मिळाल्यानंतर पोलिसांनी कोळशेवाडी परिसरात सापळा रचून त्याला ताब्यात घेतले. त्याच्या घरातून एक देशी पिस्तूल, मॅगझिन आणि दोन जिवंत काडतुसे असा शस्त्रसाठा जप्त करण्यात आला आहे.
पोलिसांनी कारवाई कशी केली?
कल्याण गुन्हे शाखा, घटक ३ युनिटमधील कार्यरत पोलीस शिपाई मिथुन राठोड यांना कल्याण कोळशेवाडी पोलीस ठाण्याच्या हद्दीतील नेतीवली, चक्कीनाका परिसरात राहणारा एक इसम विनापरवाना गावठी पिस्तुल आणि काडतुसे बाळगत असल्याची माहिती मिळाली होती. त्यानुसार गुन्हे शाखाचे वरिष्ठ पोलीस निरीक्षक अजित शिंदे यांच्या मार्गदर्शनाखाली सापळा रचून बिंदास अनंता म्हात्रे (वय ३६) याला कल्याणच्या कोळसेवाडी परिसरातून ताब्यात घेण्यात आले.
पोलिसांनी बिंधास म्हात्रेच्या राहत्या घराची झडती घेतली असता त्याच्याकडे एक देशी पिस्तुल, मॅगझिन, दोन जिवंत काडतूस आणि एक काडतुसाची पुंगळी असा 62 हजारांचा शस्त्रसाठा जप्त केला आहे. बिंदास म्हात्रे याच्यावर भारतीय हत्यार कायदा कलम ३, २५ तसेच मुंबई पोलीस कायदा कलम ३७(१)१३५ अन्वये कोळशेवाडी पोलीस ठाण्यात गुन्हा दाखल करण्यात आला आहे. हे पिस्तूल कुठून आणले आणि कशासाठी आणले? याचा तपास पोलिसांनी सुरू केला आहे.
दरम्यान, संबंधित इसमाला विना परवाना पिस्तूल मिळालीच कशी? हा महत्त्वाचा प्रश्न आहे. कारण तो इसम त्या पिस्तूलाच चुकीचा देखील वापर करु शकतो. त्या पिस्तूलाने तो रागाच्याभरात कुणाचा जीव देखील घेऊ शकतो. यामुळे अशाप्रकारे कोणत्या इसमाकडे विना परवाना पिस्तूल सापडत असेल तर या प्रकरणात खोलवर तपासाची जास्त आवश्यकता आहे. पोलिसांना या प्रकरणात खोलवर तपास करण्यात यश येतं का? ते पाहणं देखील महत्त्वाचं आहे.
लेखकाबद्दलचेतन पाटीलचेतन पाटील हे सध्या महाराष्ट्र टाइम्स ऑनलाईन टीममध्ये डिजीटल कंटेंट प्रोड्यूसर म्हणून कार्यरत आहेत. चेतन यांनी याआधी tv9 मराठी, News18 लोकमत, आपलं महानगर येथे काम केलं आहे.… आणखी वाचा