अज्ञात ट्रकची दुचाकीला जोरदार धडक, वडील-मुलीचा जागीच मृत्यू

याप्रकरणी मिळालेल्या अधिक माहितीनुसार, ४५ वर्षीय अंबादास जावळे हे आपल्या पत्नी आणि १० वर्षीय मुलीसोबत एमएच ३७ एजे ०४८६ क्रमांकाच्या मोपेड प्लेझरवरून कारंजा येथून धाकली किनखेड येथे जात होते. दरम्यान, मुरंबी फाट्याजवळ एका अज्ञात ट्रकने त्यांच्या दुचाकीला जोरदार धडक दिली. या अपघातात अंबादास जावळे आणि त्यांची १० वर्षांची मुलगी आरती जावळे हिचा जागीच मृत्यू झाला. तर पत्नी उषा जावळे या अपघातात किरकोळ जखमी झाल्या आहेत.
Prasanna Sankar: कितीही वेदनेत असले तरी मला करावंच लागायचं; वेश्या, ओपन मॅरेज अन्… प्रसन्ना शंकरच्या पत्नीने काय-काय सांगितलं?

ट्रकचालक घटनास्थळावरुन पसार, पोलिसांकडून आरोपीचा शोध सुरु

या अपघातानंतर ट्रकचालक वाहनासह पसार झाला असून, पोलिसांनी घटनास्थळी धाव घेऊन दोन्ही मृतदेह ताब्यात घेतले आहेत, पोलिसांनी मृतदेह शवविच्छेदनासाठी कारंजा उपजिल्हा रुग्णालयात दाखल केले आहेत. तर किरकोळ जखमी झालेल्या उषा जावळे यांना उपचारार्थ रुग्णालयात दाखल करण्यात आले आहे. अज्ञात ट्रक व चालकाचा शोध कारंजा पोलिस करत आहेत.

हृदयद्रावक घटनेने परिसरात एकच हळहळ व्यक्त

या हृदयद्रावक घटनेमुळे परिसरात हळहळ व्यक्त होत आहे. कारंजा शेलुबाजार या मार्गासह जिल्ह्यातील बहुतांश रस्ते नव्याने निर्माण झाल्याने वाहन चालक सुसाट वेगाने वाहने चालवत आहेत. त्यामुळे जिल्ह्यात अपघाताचे प्रमाण दिवसेंदिवस वाढत चालले आहे. या अपघातात अनेकांना आपला जीव गमवावा लागत आहेत. त्यामुळे वाहतूक पोलिसांची गस्त वाढवून सुसाट आणि बेशिस्त वाहन चालवणाऱ्यांवर कारवाई करण्याची मागणी केली जात आहे.