मुंबईतील चेंबूर येथे नवी मुंबईतील बिल्डरच्या डिफेंडर गाडीवर गोळीबार झाल्याची प्राथमिक माहिती समोर येत आहे. चेंबूरच्या रस्त्यावर ही गोळीबाराची घटना घडली. धावत्या गाळीवर हा गोळीबार झाला. चेंबूरमधील आचार्य अत्रे उद्यानाजवळ गोळीबाराची घटना घडली. या घटनेत एक जण जखमी असल्याची प्राथमिक माहिती आहे.

चेंबूर पोलीस ठाणे हद्दीत डायमंड गार्डन सिग्नल या ठिकाणी रात्री 9 वाजून 50 मिनिटांच्या सुमारास ही गोळीबाराची घटना घडली. या गोळीबारात 50 वर्षीय सद्रुद्दीन खान हे जखमी झाले आहेत. त्यांना उपचारासाठी झेन हॉस्पिटलला दाखल करण्यात आलं आहे. सद्रुद्दीन खान हे बेलापूरच्या पारसिक हिल येथे राहतात. ते सायन-पनवेल हायवेने पनवेल जात असताना दुचाकीवरुन आलेल्या दोन अज्ञात इसमांनी त्यांच्या धावत्या गाडीवर गोळीबार केला. या घटनेमुळे एकच खळबळ उडाली आहे. सध्या सद्रुद्दीन खान यांची प्रकृती स्थिर असल्याची माहिती मिळत आहे.