दरम्यान, जेलमधील मारहाण ही वाल्मिक कराडच्या सांगण्यावरुनच झाली. तीन दिवसांपासून त्याची प्लॅनिंग सुरु होती. अगदी या मारहाणीत लाठ्या काठ्या देखील वापरल्या असल्याचा आरोप मिरा गित्ते यांनी केला आहे. प्रारंभी वाल्मिक कराड आणि सुदर्शन घुले याला मारहाण झाल्याची चर्चा होती या प्रश्‍नावर त्यांनी सीसीटीव्ही फुटेज समोर आणल्यास सगळे काही समोर येईल असे म्हटले आहे. जेलमध्ये संतोष देशमुख यांचे मारेकरी आणि विलास गित्ते, रघु फड आणि सुदिप सोनवणे यांनी माझ्या पतीवर हल्ला केला असून या प्रकरणाची चौकशी व्हावी यासाठी मी पाठपुरावा करणार असल्याचे मिरा गित्ते यांनी म्हटले आहे.
Walmik Karad: अंदर मारना या मरना सबकुछ माफ, वाल्मिक कराड मारहाणीनंतर गित्तेची फेसबुक पोस्ट चर्चेत
तर राजेश नेहरकर याने देखील त्यांच्या पत्नीला ही मारहाण झाल्यानंतर फोन केला होता की आम्हाला मारहाण झाली आणि आम्हालाच या ठिकाणाहून हलवत आहेत असे, जयश्री नेहरकर यांनी सांगितले.

काय घडलेलं तुरुंगात?

बीडच्या मस्साजोग गावचे सरपंच संतोष देशमुख यांच्या हत्या प्रकरणातील आरोपी वाल्मिक कराड आणि सुदर्शन घुले यांना ३१ मार्चला तुरुंगात मारहाण झाल्याची माहिती समोर आली होती. दोन गटात झालेल्या बाचाबाचीनंतर त्यांना मारहाण झाल्याचं समोर आलं होतं. बापू आंधळे हत्या प्रकरणात तुरुंगात असलेले महादेव गित्ते आणि अक्षय आठवले या दोन आरोपींनी वाल्मिक कराड आणि घुलेला मारहाण केल्याचा दावा केला जात होता. त्यानंतर महादेव गित्ते आणि अक्षय आठवले या दोघांनाही बीड कारागृहातून दुसऱ्या कारागृहात हलवण्यात आलं. यादरम्यान महादेव गित्ते याने माध्यमांच्या कॅमेऱ्यासमोर सांगितलं की, वाल्मिक कराडच्या सांगण्यावरुन आम्हाला मारहाण झाली. त्यानंतर मिरा गित्तेनेही असाच आरोप केला होता.