सुरेंद्रची रिया सरकल्याणसिंग (१९) हिच्यासोबत ओळख झाली. ती नोकरीच्या शोधात होती. पांडेने तिला आपल्या घरामध्ये आसरा दिला. रियाने विशाल शिंदे (२१) याला बोलावून घेतले. तिघांमध्ये भांडण झाले. यावेळी रिया व विशालने हातोडा मारून पांडेची हत्या केली. शनिवारी रात्री सुरेंद्र पांडे यांचा मृतदेह त्यांच्या राहत्या घरात कुजलेल्या अवस्थेत आढळल्याने खळबळ उडाली होती.

सुरेंद्रने रियाकडे शरीरसुखाची मागणी केली होती. यामुळे चिडलेल्या रियाने प्रियकर विशालला बोलावलं. यावेळी तिघांमध्ये कडाक्याचं भांडण झालं. दोघांनी मिळून सुरेंद्रचा खून केला. घर बंद करुन त्याचा मृतदेह तसाच टाकून दोघांनी पोबारा केला.

घरातून तीव्र वास आल्यानंतर शेजाऱ्यांनी पोलिसांना कळवलं आणि सुरेंद्रच्या हत्येचा उलगडा झाला. कुटुंबीयांच्या सांगण्यावरून विशाल आणि रिया यांनी आत्मसमर्पण केलं. त्यानंतर संगमनेर पोलिसांनी दोघांना ताब्यात घेतलं.
Nagpur Accident : भरधाव टिप्परची धडक, कार पानठेल्यात घुसून चक्काचूर, गॅरेज संचालकाचा चिरडून अंत
पोलिसांनी दिलेल्या माहितीनुसार, सुरेंद्र पांडे हा उलवे येथील सेक्टर-२४ येथील क्रियांस रेसिडेन्सीमध्ये एकटाच राहत होता आणि उदरनिर्वाहासाठी कॅब चालवत होता. तो साधारण महिन्याभरापूर्वी पंजाबमधील रहिवासी असलेल्या रियाला भेटला होता आणि नोकरी शोधण्यास मदत करण्याचं आश्वासन देऊन त्याने रियाला आपल्या घरी आश्रय दिला होता.
Raigad Shocking News : पायावर केसतोड आणि ताप, १४ वर्षांच्या गर्वांगचा करुण अंत, डॉक्टरांनी योग्य उपचार न केल्याचा कुटुंबाचा दावा
काही दिवसांपूर्वी रियाने संगमनेर येथील तिचा प्रियकर विशाल शिंदे याला पांडेच्या घरी राहण्यासाठी बोलावले होते. २ एप्रिल रोजी पांडे आणि या जोडप्यात वाद झाला होता. त्यांनी पांडेवर हातोड्याने हल्ला केला. या हल्ल्यात त्याला जीव गमवावा लागला. त्यानंतर आरोपींनी त्याचा मृतदेह बेडशीटमध्ये गुंडाळला, घराला बाहेरून कुलूप लावले आणि पांडेची गाडी घेऊन पळून गेले.