पैसे नको आम्हाला फक्त आमची मम्मी पाहिजे
माझं स्वप्न डॉक्टर बनून मम्मीला खूश करण्याचे होते. मम्मी म्हणायची की चांगल वागावं, कोणाशी भांडण करू नये.मी तसंच केल पण माझी मम्मी गेली मी आता काय करू. ड्रायव्हर पागल होता. दीडशे रुपयांसाठी बळी गेला.शाळेसाठी पाणी तापवू लागलो होतो त्यावेळी इथे बोंबाबोंब झाली.मी तिथे गेलो तर ते म्हणाले की तुझी आई डुबली. सगळे पाण्यात गेले. मी खूप रडू लागलो. अकरा वाजले जेवण पाणी केले तरीही मम्मी आली नाही. मी वाट बघू लागलो. तरीही मम्मी आलीच नाही. माझी मागणी सरकारकडे हीच आहे की पैसे नको आम्हाला फक्त आमची मम्मी पाहिजे. माझी आई माझे खूप लाड करायची. तुमचा पैसा नको. तुमच्या पैशाने आम्ही काय करावं. एकदा माणूस गेल्यावर परत येत नाही. आता मला मम्मी नाही. कोण देणार मम्मी असे म्हणत चिमकुल्याचे अश्रु अनावर झाले.

चालकाचं नियंत्रण सुटल अन् घात झाला
हिंगोलीच्या वसमत तालुक्यातील गुंज गावातील शेतकरी महिला मजूर ट्रॅक्टरमध्ये बसून हळद काढण्यासाठी जात होत्या.दरम्यान चालकाचे नियंत्रण सुटल्याने ट्रॅक्टर थेट ६० फुट खोल विहिरीत कोसळला. दगडू शिंदे नामक शेत मालका शेतात काम करण्यासाठी वसमत हून मजूर आणण्यात आले होते दरम्यान या घटनेची माहिती मिळताच ग्रामस्थांनी घटनास्थळी मदतकार्य सुरू करत दोन महिलांसह एका पुरुषाला वाचवले.या दुर्घटनेत सात जण विहिरीत बुडाले आहेत.

या दुर्घटनेत जखमी पुरुभाबाई कांबळे, पार्वती बुरड, सटवाजी जाधव यांना वाचवण्यात यश आले आहे. ताराबाई जाधव, धरूपता जाधव, मीना राऊत, ज्योती सरोदे, चौथराबाई पारधे, सरस्पती भूरड, सिमरन कांबळे अशा एकूण सात महिलांचा मूत्यू झाला