नांदेडमध्ये शेतमजूर घेऊन जाणारा टॅक्टर विहिरीत कोसळून झालेल्या अपघातात ७ महिलांना जीव गमवावा लागला. नांदेड जिल्ह्यातील आलेगाव शिवारात आज सकाळी साडेसातच्या सुमारास ही घटना घडली. आलेगाव येथील दगडोजी शिंदे यांच्या शेतात कामासाठी एकूण १० महिला आणि पुरुष शेतमजूर ट्रॅक्टर मधून येत होते. हिंगोली जिल्ह्यातील वसमत तालुक्यातील गुंज या गावातील सर्वजण रहिवाशी होते. चालकाचे नियंत्रण सुटल्याने ट्रॅक्टर ट्रॉलीसह कच्च्या रस्त्याशेजारील असलेल्या विहिरीत पडला. घटनेवेळी परिसरात असलेले इरबा सरोदे तसेच इतर काही शेतकरी तातडीनं विहिरीजवळ गेले. दोन महिला आणि एका पुरुषाला सुखरूप बाहेर काढलं. विशेष म्हणजे मृतांमध्ये इरबा सरोदे यांच्या पत्नीचाही या अपघातात मृत्यू झाला. परंतु ते दुःख पचवून त्यांनी तिघांचे प्राण वाचवले…