Maharashtra Weather Forecast : राज्यात हवामानात मोठा बदल होत आहे. मराठवाडा, मध्य महाराष्ट्र आणि कोकणात अवकाळी पावसाचे सत्र सुरू आहे. गारपिटीमुळे पिकांचे मोठे नुकसान झाले आहे. हवामान खात्याकडून आजही येलो अलर्ट हा जारी करण्यात आलाय. मराठवाड्याला या अवकाळी पावसाचा फटका बसताना दिसतोय.
विजांच्या कडकडाटासह पावसाची हजेरी
गुरुवारी अनेक भागांमध्ये विजांच्या कडकडाटासह पावसाने हजेरी लावली. नाशिकमध्येही पाऊस झाला असून फळ बागांचे मोठे नुकसान झालंय. कालच हवामान खात्याकडून अनेक भागांमध्ये पावसाचा येलो आणि ऑरेंज अलर्ट हा देण्यात आला होता. आजही हवामान खात्याकडून अलर्ट देण्यात आलाय. राज्यावरील अवकाळीचे ढग काही जाताना दिसत नाहीयेत. सध्या पावसासाठी पोषक वातवरण निर्माण झालंय.
राज्यभरात अवकाळीचा तडाखा! ‘या’ जिल्ह्यांतील हजारो हेक्टर पिके भुईसपाट, शेतकऱ्यांचं मोठं नुकसानभारतीय हवामाना खात्याकडून मोठा इशारा
मध्य महाराष्ट्र, कोकण आणि मराठवाड्यात आजही हवामान खात्याकडून येलो अलर्ट जारी करण्यात आलाय. आज देखील वाऱ्यासह आणि विजांच्या कडकडाटासह पाऊस होईल. यासोबतच काही भागांमध्ये गारपिटीचा देखील इशारा देण्यात आलाय. सध्या चक्राकर वारे वाहत आहे. यामुळे कमी दाबाचा पट्टा निर्माण होत आहे. अरबी समुद्र आणि बंगालच्या उपसागरातील बाष्प वाऱ्यामुळे संगम होत आहे. मुंबईतही सकाळपासूनच ढगाळ वातावरण असल्याचे बघायला मिळतंय.
अवकाळीमुळे पिकांचे मोठे नुकसान
आजही अनेक भागांमध्ये अवकाळीचा फटका बसणार असल्याचे चित्र आहे. गारपिटीमुळे पिकांचे मोठे नुकसान होताना दिसतंय. काल ब्रह्यपुरीत सर्वाधिक तापमानाची नोंद झालीये. ३८.८ अंश सेल्सिअस तापमान होते. चंद्रपूर, धुळे, मालेगाव आणि सोलापूरमध्ये ३८ अंश सेल्सिअस तापमानाची नोंद झाली आहे. अवकाळी पाऊस जरी पडत असेल तरीही ढगाळ वातावरणामुळे उकाडा वाढल्याचे बघायला मिळतंय. पुण्यातही ढगाळ वातावरण असण्याचा अंदाज आहे. नाशिकमध्ये काल मोठ्या प्रमाणात गारपिट झाली. होळीच्या अगोदर उष्णतेच्या लाटेचा हवामान खात्याकडून दोनदा इशारा देण्यात आला होता.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा