चित्रा वाघ काय म्हणाल्या?

हॉस्पिटल हे रुग्णसेवेसाठी असतात का पैसे कमावण्यासाठी? हा प्रश्न पुन्हा ऐरणीवर आला आहे. दीनानाथ मंगेशकर चॅरिटेबल हॉस्पिटलच्या गलथानपणामुळे पुण्यातील आमदार अमित गोरखे यांचे स्वीय सहाय्यक सुशांत भिसे यांची पत्नी दगावली. तनिषा आणि तिचं कुटुंब खरं तर आनंदात होतं. तनिषा गरोदर होती आणि तिला जुळी मुलं होणार होती, मात्र अचानक सातव्या महिन्यात तिला प्रसूती कळा सुरू झाल्या, म्हणून तिला दीनानाथ रुग्णालयात नेण्यात आलं, तर आधी १० लाख भरा मगच हॉस्पिटलमध्ये अॅडमिशन मिळेल असा पवित्रा तिथल्या निर्ढावलेल्या डॉक्टरांनी घेतला. हे पाहून तनिषाचं मनोबल खचलं, ज्या डॉक्टरांनी धीर द्यायला हवा, त्यांनी थेट दुकानदारी दाखवली होती, असं चित्रा वाघ म्हणाल्या.
Jalna Crime : प्रतीक्षा सारखी कोणाशी फोनवर बोलते? सासूबाईंनी पकडलं, सुनेने काटा काढला; जालन्यातील तरुणीचा गेम कसा फसला?
मंत्रालयातूनही मंगेशकर हॉस्पिटलला कॉल गेला, तरीही मुर्दाड मनाच्या डॉक्टरांना काही फरक पडला नाही. तनिषा प्रसुतीवेदनेने विव्हळत राहिली पण मेलेल्या मनाच्या डॉक्टरांना दिसत नव्हतं. खरं तर आज एका आमदाराच्या निकटवर्तीयाच्या जीवावर बेतलं, मग सर्वसामान्य रुग्णांचे काय हाल होत असतील याचा विचार न केलेला बरा, असंही चित्रा वाघ म्हणतात.
Pune Crime : नगरमध्ये लग्नाची सुपारी फुटली, पुण्यात होणाऱ्या नवऱ्याचा जीव घेण्याची सुपारी दिली; लफडं लपवण्याचा घाट, नवरीने बॉयफ्रेण्डच्या साथीने गेम रचला
चॅरिटेबल ट्रस्ट हॉस्पिटलमधून रुग्णांना असंवेदनशील आणि अमानवी वागणूक मिळत असेल तर त्या रुग्णालयांना टाळं ठोका आणि अशा असंवेदनशील डॉक्टरांचं लायसन्स रद्द करा, एकाला कायद्याचा दणका बसला तर बाकीचे सुधारतील, अशा भावना चित्रा वाघ यांनी व्यक्त केल्या आहेत.