उत्तर विभाग सायबर पोलिस ठाण्यात संबंधित अभिनेत्याने दिलेल्या तक्रारीनुसार, फेब्रुवारीमध्ये अनोळखी व्हॉट्सॲप क्रमांकावरून एका महिलेने संपर्क साधला. आम्ही टेलिग्राम आणि अन्य समाजमाध्यमांवर पाठवू, त्या इन्स्टाग्राम लिंकना फक्त लाइक करायचे आहे. प्रत्येक लाइकला दीडशे रुपये दिले जातील. अशा प्रकारे घरबसल्या हजारो रुपये कमावता येतील, असे सांगितले. अभिनेत्याने लगेच होकार देत काम सुरू केले. सुरुवातीला ११ हजार रुपये मिळाल्याने अभिनेत्याचा त्यांच्या बोलण्यावर विश्वास बसला. अतिरिक्त ३० टक्के कमिशन आणि लाइक केल्याचा मोबदला वेगळा हवा असल्यास गुंतवणूक करावी लागेल व यापुढे सर्व टास्क हे पेड असतील, अशी माहिती देण्यात आली.
रेल्वप्रवाशांनो कृपया लक्ष द्या! मध्य रेल्वेवर २ दिवस विशेष ट्रॅफिक ब्लॉक, ‘या’ लोकल रद्द, एक्स्प्रेसचाही मार्ग बदलला
अभिनेत्याने सुरुवातीला किरकोळ रक्कम गुंतवली. त्यावरील मोबदला ई वॉलेटवर जमा झाल्याचा दिसला. त्यामुळे अभिनेत्याने सुमारे २७ लाख रुपये गुंतवले. शहानिशा करण्यासाठी वॉलेटवर जमा रक्कम काढण्याचा प्रयत्न केला असता, तुमचा टास्क ८० टक्के पूर्ण झाला असून, तो १०० टक्के होईल, तेव्हाच तुम्हाला रक्कम काढता येईल, असे सांगण्यात आले. यासाठी अभिनेत्याकडून आणखी १९ लाख रु. घेण्यात आले. त्यानंतर ३० टक्के करही भरला. अशाप्रकारे अभिनेत्याने तब्बल ६१ लाख ८३ हजार रुपये भरले. ३० टक्के कर चुकीच्या खात्यामध्ये भरल्याचे सांगत अभिनेत्याकडे आणखी रक्कम मागण्यात आल्याने त्याला संशय आला. याबाबत परिचयातील व्यक्तीकडे विचारणा केल्यावर ही सायबर फसवणूक असल्याचे लक्षात आले.
राज्यभरात अवकाळीचा तडाखा! ‘या’ जिल्ह्यांतील हजारो हेक्टर पिके भुईसपाट, शेतकऱ्यांचं मोठं नुकसान
फसवे ‘टास्क’

• एका लाइकसाठी १५० रु., त्यातून ११ हजार रु. जमा.
• पेड टास्कसाठी गुंतवणूक. त्याचा ई वॉलेटवर मोबदला.
• मोहापायी आणखी २७ लाख व १९ लाखांची गुंतवणूक.
• फसव्या कराचाही भरणा, तरीही परतावा नाहीच.
• अखेर एकूण भुर्दंड ६१ लाख रुपयांचा.