कोमल आणि ऋषिकेश बजाजनगर येथे किराणा दुकान चालवून उदरनिर्वाह करत होते. काही महिन्यांपासून ऋषिकेशला दारूची सवय लागल्याने दोघांत नेहमी वाद होत होता. पत्नी २७ मार्च रोजी नारेगाव येथे माहेरी आली होती. समजावून सांगून दोघे बजाजनगर येथे आले होते. बुधवारी दुपारी कोमलच्या भावाला ती जखमी झाल्याची माहिती मिळाली. कोमलचा भाऊ सचिन डांगरे यांच्या फिर्यादीवरून वाळूज एमआयडीसी पोलिस ठाण्यात गुन्हा दाखल करण्यात आला. सहाय्यक पोलिस निरीक्षक अरविंद शिंदे हे पुढचा तपास करत आहेत. मात्र, या घटनेने परिसरात मोठी खळबळ निर्माण झाल्याचे बघायला मिळाले.
टेबल पंखा ठरला काळ, झोपेतच पती पत्नीने घेतला शेवटचा श्वास, पुण्यात खळबळजनक घटनाचालकाचा मृत्यू

वाळूज एमआयडीसीतील एका कंपनीत फोर क्लीप पाठीमागे घेत असताना साहित्य घेऊन गेलेल्या वाहन चालकाला धडक बसल्याने उपचारदरम्यान मृत्यू झाल्याची घटना मंगळवारी घडली. पुनमचंद जयप्रकाश कोमरे (वय ४७ रा. पडेगाव, ता. छत्रपती संभाजीनगर) असे मृत चालकाचे नाव आहे. महाराष्ट्र सॉ मिल कंपनीत (तिसगाव) ते चालक होते. १९ मार्च रोजी एमआयडीसीतील कंपनीत ते साहित्य घेऊन गेले होते.

साहित्य खाली करण्यासाठी वाहनाच्या खाली उतरून वाट पाहत ते सुरक्षा भिंतीजवळ उभे असताना कंपनीतील फोर क्लीप पाठीमागे घेत असताना भिंतीच्या व फोर क्लीपमध्ये दबून ते जखमी झाले होते. त्यांना खाजगी रुग्णालयात दाखल केले होते. मंगळवारी संध्याकाळी डॉक्टरांनी त्यांना मृत घोषित केले. या प्रकरणी मुलगा अर्जुन कोमरे यांच्या फिर्यादीवरून गुन्हा दाखल आहे.