पंख्याच्या वायरचे शॉर्ट सर्किट आणि धक्कादायक घटना

पोलिसांनी दिलेल्या माहितीनुसार, नवनाथ व संगीता हे दोघे पती-पत्नी रात्री साडेदहाच्या सुमारास जेवण करून झोपले होते. १ एप्रिल रोजी वीज पुरवठा खंडित झाला. रात्री बाराच्या सुमारास पुन्हा वीज आली. दरम्यान टेबल पंख्याच्या वायरला शॉर्ट सर्किट होऊन वायर जळून सदर वायरचा करंट लोखंडी खाटेला लागल्याने नवनाथ व संगीता यांचा मृत्यू झाला.
Jalna Crime : घरच्या लक्ष्मीनेच केला घात, सूनेने सासूला संपवलं, जालना हादरलंझोपेतच पती आणि पत्नीने घेतला अखेरचा श्वास

या अपघाती मृत्यूमुळे परिसरात हळहळ व्यक्त केली जात आहे. सदर घटनेबाबत मयत नवनाथ यांचे चुलत भाऊ रामचंद्र हनुमंत पवार यांनी माळेगाव पोलीस ठाण्यात माहिती दिली. सदर घटनेचा तपास पोलिसांकडून केला जातोय. दोघे पती आणि पत्नी रात्री जेवण करून साडेदहाच्या अंदाजात झोपले होते. त्यांनीही साधा विचार केला नसेल की, त्यांच्यासोबत असे काही घडेल आणि दुसरा दिवसही ते पाहू शकणार नाहीत .

पुन्हा वीज आली आणि काही क्षणात होत्याचे नव्हते झाले

टेबल पंख्याच्या वायरीचे करंट खाटेला लागले आणि झोपेतच त्यांचा अत्यंत दुर्देवी मृत्यू झाला. दुसऱ्या दिवशी सकाळी या घटनेबद्दल सर्वांना माहिती मिळाली. अगोदर वीज पुरवठा खंडित झाला आणि परत आला. यादरम्यानच टेबल पंख्याच्या वायरचे शॉर्ट सर्किट झाले आणि ही अत्यंत धक्कादायक अशी घटना घडली. काही क्षणात होत्याचे नव्हते झाले म्हणण्याची वेळ आली. मागील काही दिवसांपासून उष्णता वाढल्याचे बघायला मिळतंय.