Huge Revenue Generated On House Registration : मुंबईत मार्चमध्ये घरनोंदणीत उल्लेखनीय वाढ झाली असून एकाच महिन्यात घरांच्या नोंदणीतील मुद्रांक शुल्कातून १ हजार ५९७ कोटी रुपये इतका भरघोस महसूल प्राप्त झाला आहे. एकट्या मार्चमध्ये १५ हजार ६०३ घरांची नोंदणी झाली असून गेल्या वर्षीच्या मार्चच्या तुलनेत त्यात १०.३ टक्के वाढ झाली आहे. त्याचवेळी, मुद्रांक शुल्कातील महसुलात ४५ टक्के वाढ नोंदवली आहे.
मुंबईत मार्चमध्ये(March) घरनोंदणीत उल्लेखनीय वाढ झाली असून एकाच महिन्यात घरांच्या नोंदणीतील मुद्रांक शुल्कातून १ हजार ५९७ कोटी( One Thousand Five Hundred Ninety Seven Crore) रुपये इतका भरघोस महसूल प्राप्त झाला आहे. एकट्या मार्चमध्ये १५ हजार ६०३ घरांची नोंदणी झाली असून गेल्या वर्षीच्या मार्चच्या तुलनेत त्यात १०.३ टक्के वाढ झाली आहे. त्याचवेळी, मुद्रांक शुल्कातील(Stamp Duty) महसुलात ४५ टक्के वाढ नोंदवली आहे.
घरांच्या किंमती सातत्याने चढ्या स्वरूपात असल्याने मुंबईत घर घेणे आव्हानात्मक ठरते. अशाही स्थितीत मुंबईतील घरांची मागणीही त्याच प्रमाणात वाढत असल्याचे चित्र नेहमी दिसते. मार्चमधील घरांची नोंदणी ही फेब्रुवारीच्या तुलनेत २९ टक्के इतकी वाढली आहे. तसेच, मुद्रांक शुल्कातही ७१ टक्के वाढ झाली आहे. घरांच्या अधिक किंमती हे यामागील प्रमुख कारण ठरले आहे. तसेच, एप्रिल २०२४मध्ये घरांच्या नोंदणीची संख्या ३८८ होती, ती मार्च २०२५मध्ये ५०३पर्यंत पोहोचली आहे.
वाढता टक्का
- एप्रिल २०२४ ते मार्च २०२५ या कालावधीत घरांच्या नोंदणीत नऊ टक्के आणि मुद्रांक शुल्कात २२ टक्के वाढ झाली आहे.
- सन २०२४-२५मध्ये घर नोंदणी १,४३,९४८ इतकी असून २०२३-२४मध्ये ही संख्या १,३२,२७२ इतकी होती.
- मार्चमधील मुद्रांक शुल्कातून १,५९७ कोटी रुपयांचा महसूल मिळाला आहे. एका महिन्यात मुद्रांक शुल्कातून प्राप्त झालेली ही सर्वाधिक रक्कम मानली जाते.
लेखकाबद्दलआशिष मोरेमहाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत. राजकारण, क्राईम, मनोरंजन आणि मानसशास्त्र बातम्यांमध्ये आवड. सायकॉलॉजी मध्ये विशेष अध्ययन.… आणखी वाचा