Pune Doctor Refuse Marriage: सात वर्षांपूर्वी लग्न केलं, एक मुलगाही झाला. आता तो म्हणतो की आम्ही तर लिव्ह इन मध्ये राहात होतो. पुण्यातील या डॉक्टरविरोधात पत्नीने थेट न्यायालयात धाव घेतली आहे.
घटस्फोट झाल्याचं सांगत तक्रारदार महिलेशी लग्न
डॉ. राहुल गागरे असे त्या डॉक्टरचे नाव आहे. येरवडा पोलिसांनी त्याच्यासह त्याचे आई, वडील आणि बहिणीवर गुन्हा दाखल केला आहे. पोलिसांनी दिलेल्या माहितीनुसार, तक्रारदार महिला आणि आरोपी हे वैद्यकीय महाविद्यालयात सहाध्यायी होते. त्यानंतर गागरे यांचा एका महिलेशी विवाह झाला होता. सन २०१३ मध्ये पहिल्या पत्नीशी घटस्फोट घेतल्याचे सांगून गागरे यांनी २०१६मध्ये तक्रारदार डॉक्टर महिलेशी विवाह केला. त्यानंतर दोघेही एकत्र राहू लागले. त्यांना २०१८ मध्ये मुलगा झाला.
सात वर्षांनी महिलेवर शारीरिक आणि मानसिक अत्याचार
त्यानंतरच्या सात वर्षांत आरोपी राहुल आणि त्यांच्या कुटुंबीयांनी महिलेवर शारीरिक आणि मानसिक अत्याचार केले. हुंड्याची मागणी करून तिचा छळ केला, असा आरोप तक्रारीत करण्यात आला आहे. दरम्यान, आरोपीने महिलेला तिला आणि त्यांच्या मुलाला सोडून दिले. आरोपी डॉ. राहुलचा पहिल्या पत्नीपासून घटस्फोट झालेला नाही; तसेच तो अन्य एका महिलेसोबत राहत आहे, अशी माहिती २०२४ मध्ये तक्रारदार महिलेला मिळाली.
आम्ही ‘लिव्ह-इन रिलेशनशिप’मध्ये होतो’, पतीची पोलिसांना माहिती
पती राहुल याने आपली फसवणूक केल्याचे कळाल्यावर पीडित महिलेने येरवडा पोलिस ठाण्यात नोव्हेंबर २०२४ मध्ये तक्रार दाखल करण्याचा प्रयत्न केला असता ‘आमचे लग्न कायदेशीर नव्हते. आम्ही ‘लिव्ह-इन रिलेशनशिप’मध्ये होतो,’ असे सांगितले. लग्नाचे प्रमाणपत्र नसल्याने पोलिसांनी गुन्हा दाखल केला नव्हता. तक्रारदार महिलेने गेल्या महिन्यात ॲड. सत्या मुळ्ये यांच्यामार्फत मुंबई उच्च न्यायालयात धाव घेतली.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा