बंगळुरुत राकेश आणि गौरी एका ड्युप्लेक्स फ्लॅटमध्ये भाड्यानं वास्तव्यात होते. २६ मार्चच्या रात्री दोघांमध्ये भांडण झालं. त्यानंतर राकेशनं चाकूचे वार करुन गौरीची हत्या केली. या प्रकरणात सापडलेले पुरावे पाहता पोलिसांनी वेगळाच संशय व्यक्त केला आहे. राकेशनं गौरीचा मृतदेह एका ट्रॉली बॅगमध्ये ठेवला होता. एखाद्या निर्जनस्थळी मृतदेहानं भरलेली बॅग फेकायची योजना बहुधा त्यानं आखली असावी. पण मृतदेहामुळे बॅगेचं वजन वाढलं. त्यामुळे बॅग उचलताना तिचं हँडल तुटलं. कदाचित त्यामुळेच त्यानं मृतदेहाची विल्हेवाट लावण्याची योजना रद्द केली असावी, असा संशय पोलिसांना आहे.
Gauri Khedekar Murder: गौरीनं गळफास लावून घेतलाय! पोलिसांची दिशाभूल करण्यासाठी राकेशचा बनाव; शेजाऱ्याला फोन, पण…
गौरीची हत्या केल्यानंतर राकेश रात्रभर घरातच होता. तो गौरीच्या मृतदेहाशी बोलत होता. त्यानंतर त्यानं घर सोडलं. तो पुण्याच्या दिशेनं कारनं निघाला. तेव्हा त्यानं त्याच्या शेजाऱ्याला फोन केला. घरात माझ्या पत्नीचा मृतदेह असल्याचं राकेशनं शेजाऱ्याला सांगितलं. त्यानंतर शेजाऱ्यानं राकेशच्या घरमालकाला याबद्दल सांगितलं. त्यांनी तातडीनं पोलिसांना घडलेला प्रकार कथन केला. गौरी खेडेकरचा मृतदेह एका ट्रॉली बॅगमध्ये घराच्या बाथरुममध्ये आढळून आला.

‘त्या बॅगेचं हँडल तुटलेलं आहे. त्यामुळेच आरोपीला कदाचित ती बॅग दुसऱ्या मजल्यावरुन खाली आणता आली नसावी. बॅगेचं हँडल तुटल्यानं आरोपीन मृतदेहाची विल्हेवाट लावण्याची योजना गुंडाळली असावी,’ अशी माहिती पोलीस दलातील सुत्रांनी दिली. ‘ट्रॉली बॅगमध्ये तपासणी केली असता, त्यात चिकट पदार्थ आढळून आला. ज्यावेळी पीडितेला बॅगमध्ये टाकण्यात आलं, त्यावेळी बहुधा ती जिवंत असावी. बॅगमध्ये श्वास गुदमरुन तिचा मृत्यू झाला असावा,’ अशी शक्यता पोलिसांनी बोलून दाखवली.