राष्ट्रवादी काँग्रेसच्या २७ व्या वर्धापन दिनाच्या कार्यक्रमात शाब्दिक खडाजंगी पाहायला मिळाली. सुरुवातीला खासदार सुनील तटकरे यांनी आपल्या भाषणातून मंत्री छगन भुजबळ यांना टोले लगावले. कबड्डी खेळाचा संदर्भ देत तटकरेंनी फटकेबाजी केली. तर यानंतर छगन भुजबळ यांनी देखील तटकरेंवर पलटवार केला. खेळात राजकारण आणि राजकारणात खेळ नको, असं म्हणत भुजबळांनी सुद्धा जोरदार प्रत्युत्तर दिले.