जेव्हा मूर्ती हलवण्याचे काम सुरू होते, तेव्हा अचानक वानरांचा मोठा गट मंदिराभोवती गोळा झाला. काही वानर थेट मूर्तीच्या दिशेने झेपावत होते, तर काही स्थलांतराच्या कामात गुंतलेल्या कार्यकर्त्यांभोवती घुटमळत होते. हे दृश्य पाहून उपस्थित भाविक स्तब्ध झाले!
श्रीराम मंदिराच्या नव्या उभारणीसाठी मंदिर समितीने मोठ्या प्रमाणावर प्रयत्न सुरु होते. मंदिराचे अध्यक्ष अरविंद देशमुख यांनी राज्याचे मंत्री गिरीश महाजन यांच्या सहकार्याने भरीव आर्थिक मदत मिळवली. त्यांच्या प्रयत्नांमुळे मंदिर उभारणीसाठी आवश्यक निधी उपलब्ध झाला. मात्र, मूर्तीच्या जागेमुळे आराखड्यात अडथळा निर्माण झाल्याने तिचे स्थलांतर अपरिहार्य होते.
‘हनुमान स्वतः प्रकट झाले?’, भक्तांमध्ये चर्चा
जेव्हा मूर्ती हलवण्याचे काम सुरू होते, तेव्हा अचानक वानरांचा मोठा गट मंदिराभोवती गोळा झाला. काही वानर थेट मूर्तीच्या दिशेने झेपावत होते, तर काही स्थलांतराच्या कामात गुंतलेल्या कार्यकर्त्यांभोवती घुटमळत होते. हे दृश्य पाहून उपस्थित भाविक स्तब्ध झाले!
गावकऱ्यांनी त्वरित या घटनेला हनुमानाची कृपा मानले आणि मंत्रोच्चार, आरती, पूजन सुरू केले. काहींनी वानरांना फळे अर्पण केली, काहींनी जय हनुमानच्या गजरात मूर्ती स्थलांतराचे काम सुरू ठेवले.
मालवणी पोलिसांनी 2 सेलिब्रेटींचा जबाब नोंदवलेला, Disha Salian प्रकरणात सर्वात मोठी अपडेट
अखेर स्थलांतर यशस्वी, पहुरमध्ये भक्तीचा जागर!
अखेर काही वेळानंतर वानर स्वतःहून मंदिर परिसरातून निघून गेले, आणि मूर्तीचे स्थलांतर यशस्वीरीत्या पूर्ण झाले. या अद्भुत घटनेनंतर पहुरमध्ये एक अनोखी भक्तीमय ऊर्जा निर्माण झाली आहे.
श्रीराम मंदिर – नव्या पर्वाची सुरुवात!
गिरीश महाजन आणि अरविंद देशमुख यांच्या पुढाकाराने श्रीराम मंदिराच्या उभारणीसाठी नव्या पर्वाची सुरुवात झाली आहे. भविष्यात हे मंदिर भक्तांसाठी एक महत्त्वाचे धार्मिक केंद्र ठरेल आणि पर्यटनस्थळ म्हणूनही नावारूपास येईल.
लेखकाबद्दलनिलेश पाटीलमहाराष्ट्र टाइम्स ऑनलाइन मध्ये जळगाव ‘जिल्हा प्रतिनिधी’ म्हणून कार्यरत. गेल्या 12 वर्षापापूर्वी वृत्तपत्रातून पत्रकारितेला सुरुवात. तरुण भारत, सकाळ, लाईव्ह ट्रेण्ड न्यूजमधून प्रवास करीत मटा ऑनलाइनपर्यंत प्रवास.… आणखी वाचा