मनोज जरांगे यांना प्रकृती बिघडल्यामुळे भाषण देखील व्यवस्थित करता येत नव्हते. तरीही त्यांनी आपलं भाषण पूर्ण केलं. हा मेळावा उरकून आयोजकांनी मनोज जरांगे यांना तातडीने बीडमधील रुग्णालयात दाखल केलं. या घटनेचे व्हिडीओ देखील समोर आले आहेत. या व्हिडीओत जरांगे यांना उभं देखील राहता येत नसल्याचं स्पष्ट दिसत आहे.

मनोज जरांगे व्यासपीठावर गहिवरले

दरम्यान, बीडमध्ये मस्साजोग गावचे सरपंच संतोष देशमुख यांची निर्घृणपणे हत्या करण्यात आली आहे. या हत्येच्या घटनेतील आरोपी जेलमध्ये आहेत. संतोष देशमुखांचे बंधू धनंजय देशमुख देखील या कार्यक्रमात हजर होते. यावेळी व्यासपीठावर मनोज जरांगे पाटील आणि धनंजय देशमुख भावूक झाले. संतोष देशमुख यांच्या हत्येचा घटनाक्रम सांगताना मनोज जरांगे पाटील, धनंजय देशमुख आणि उपस्थित महिला गहिवरल्या.
मालवणी पोलिसांनी 2 सेलिब्रेटींचा जबाब नोंदवलेला, Disha Salian प्रकरणात सर्वात मोठी अपडेट
मराठा समाजाने एकजूट कायम ठेवण्याचे आवाहन मनोज जरांगे पाटील यांनी यावेळी केलं. संतोष देशमुख हत्या प्रकरणातील आरोपींना फाशीवर जाईपर्यंत शांत बसणार नाही, असं एल्गार मनोज जरांगेंनी यावेळी केला. बीडमध्ये शिक्षक, प्राध्यापक, डॉक्टर, केमिस्ट, वकील, इंजिनिअर आणि कर्मचारी संघटनाचा मेळावा पार पडला. या मेळाव्यात महिला शिक्षका देखील गहिवरल्या. याच कार्यक्रमात मनोज जरांगे यांची अचानक प्रकृती बिघडली.