Policeman Arrested : तक्रारदाराकडून सहाय्यक पोलीस उपनिरीक्षक रविंद्र साखरे यांनी 30,000 रुपयांची लाच स्वीकारली. त्याचवेळी लाचलुचपत प्रतिबंधक विभागाच्या पथकाने छापा टाकून त्यांना रंगेहाथ पकडले. लाच स्वीकारलेली संपूर्ण रक्कम जप्त करण्यात आली असून आरोपी अधिकाऱ्यावर गुन्हा नोंदविण्यात आला.
तक्रारदाराने दिलेल्या माहितीनुसार, त्याच्याविरुद्ध एमआयडीसी पोलीस ठाण्यात फसवणुकीच्या तक्रारीची चौकशी सुरू होती. हा तपास आरोपी सहाय्यक पोलीस उपनिरीक्षक रविंद्र साखरे यांच्याकडे होता. दरम्यान सहाय्यक पोलीस उपनिरीक्षक साखरे यांनी कोणतीही कायदेशीर कारवाई न करण्याच्या मोबदल्यात 30,000 रुपयांची लाच मागितली. तडजोडीनंतर ही रक्कम निश्चित झाली आणि त्यानुसार मात्र, संबंधित युवकाने लाच देण्यास नकार देत थेट लाचलुचपत प्रतिबंधक विभागाशी संपर्क साधला.
त्यानंतर लाचलुचपत प्रतिबंधक विभागाने 26 आणि 27 मार्च रोजी पडताळणी केली. तक्रारीची पडताळणी केल्यानंतर एसीबीच्या पथकाने साखरेला पकडण्यासाठी सापळा रचला. ठरल्याप्रमाणे, 27 मार्च रोजी तक्रारदाराकडून सहाय्यक पोलीस उपनिरीक्षक रविंद्र साखरे यांनी 30,000 रुपयांची लाच स्वीकारली. त्याचवेळी लाचलुचपत प्रतिबंधक विभागाच्या पथकाने छापा टाकून त्यांना रंगेहाथ पकडले. लाच स्वीकारलेली संपूर्ण रक्कम जप्त करण्यात आली असून आरोपी अधिकाऱ्यावर गुन्हा नोंदविण्यात आला. ही कारवाई पोलीस अधीक्षक डॉ. दिगंबर प्रधान आणि अपर पोलीस अधीक्षक संजय पुरंदरे यांच्या मार्गदर्शनाखाली पार पडली. पोलिस निरीक्षक आशिष चौधरी यांनी संपूर्ण सापळा रचला. त्यांच्या सोबत पोलिस निरीक्षक वर्षा मते आणि इतर अधिकाऱ्यांनीही महत्त्वाची भूमिका बजावली.
नागरिकांसाठी विशेष आवाहन
लाचलुचपत प्रतिबंधक विभागाने नागपूर जिल्ह्यातील नागरिकांना आवाहन केले आहे की, कोणत्याही शासकीय अधिकाऱ्याने लाचेची मागणी केल्यास ACB शी त्वरित संपर्क साधावा. तक्रारदारांची गोपनीयता पूर्णपणे राखली जाईल. नागपूर लाचलुचपत प्रतिबंधक विभागाच्या टोल-फ्री क्रमांक 1064 तसेच पोलीस अधीक्षक व इतर वरिष्ठ अधिकाऱ्यांच्या मोबाईल क्रमांकांवर संपर्क करता येईल. ही यशस्वी कारवाई प्रशासनातील भ्रष्टाचाराविरोधात मोठा धडा ठरणार असून, लाचखोरी रोखण्यासाठी ACB अशाच कठोर कारवाया करत राहणार आहे.