खार पोलिसांनी कुणाल कामराला नोटीसही पाठवलीये. मात्र, शिंदेंवरील कवितेनंतर सतत जीवे मारण्याच्या धमक्या कुणाल कामराला मिळत आहेत. आता कुणाल कामराने थेट मद्रास हायकोर्टात धाव घेतलीये. अटकपूर्व जामीन मिळण्यासाठी कुणाल कामराने मद्रास हायकोर्टात अर्ज केलाय. आज दुपारी या अर्जावर कोर्टात सुनावणी केली जाणार आहे. मुंबईत आले तर आपल्या जीवाला धोका असल्याचेही कुणाल कामरा याने म्हटले आहे.

Bengaluru Crime News: मी गौरीचा जीव घेतलाय, राकेशचा सासू-सासऱ्यांना फोन, पुणेकर महिलेसोबत बंगळुरुत भयंकर घडलंकुणाल कामराने म्हटले की, मी विल्लुपुरम तामिळनाडूचा राहणारा आहे. मी जर मुंबईत गेलो तर मला मुंबई पोलिसांकडून अटक केली जाईल. शिवसेनेच्या कार्यकर्त्यांकडून माझ्या जीवाला धोका आहे. आता कुणाल कामराला अटकपूर्व जामीन मिळतो का? हे देखील पाहण्यासारखे ठरणार आहे. कुणाल कामराकडून पहिल्या कवितेनंतर परत एक व्हिडीओ सोशल मीडियावर शेअर करत एकनाथ शिंदे आणि शिवसेनेला डिवचण्याचा प्रयत्न करण्यात आला.

कुणाल कामरा याने केलेल्या कवितेनंतर अनेकांनी आक्रमक भूमिका घेतली. मुख्यमंत्री देवेंद्र फडणवीस याबद्दल बोलताना म्हणाले की, निवडणुकीमध्ये जनतेने दाखवून दिले आहे की, गद्दार कोण आहेत. कुणाल कामरा याने एकनाथ शिदेंची माफी मागावी. दुसरीकडे संजय राऊतांकडून कुणाल कामराचे काैतुक करण्यात आले. उद्धव ठाकरे यांनीही अधिवेशन काळात एक चांगले गाणे मिळल्याचे बोलत थेट एकनाथ शिंदे यांना टोला लगावला. कुणाल कामराच्या याचिकेवर कोर्टाकडून काय निर्णय दिला जातो, याकडे सर्वांच्या नजरा आहेत.