प्लास्टिकमुक्त पिंपरी-चिंचवड मोहिमेचा भाग म्हणून आरोग्य विभाग ‘ह क्षेत्रीय कार्यालया’ अंतर्गत नवी सांगवी येथील साई चौक भाजी मार्केट येथे प्लास्टिक बंदी जनजागृती उपक्रम घेण्यात आला; तसेच ‘ड क्षेत्रीय कार्यालया अंतर्गत लक्ष्मीनगर येथे झिरो प्लास्टिक, प्लास्टिक फ्री झोन, सिंगल यूज प्लास्टिक, प्लास्टिकचे पर्यावरण व मानवी जीवनावर होणारे विपरीत परिणाम यांबाबत माहिती देण्यात आली. प्लास्टिक पिशवीचा वापर टाळून कापडी पिशवीचा वापर करावा, असे आवाहनही करण्यात आले. प्लास्टिक पिशव्यांचा वापर करणाऱ्यांवर दंडात्मक कारवाई सुरू करण्यात येत आहे. प्लास्टिक पिशव्यांचा वापर पर्यावरणास हानीकारक असून, त्यांच्यामुळे कचऱ्याची समस्या वाढत आहे. त्यामुळे शहरातील विक्रेते व ग्राहक नियमांचे उल्लंघन करताना आढळल्यास त्यांच्यावर कारवाई करण्यात येईल, असे उपायुक्त सचिन पवार यांनी सांगितले.

महापालिकेच्या विभागाकडून आरोग्य कचरामुक्त, प्लास्टिकमुक्त शहरासाठी विविध ठिकाणी पथनाट्यांचेही सादरीकरण केले जात आहे. या पथनाट्याच्या माध्यमातून नागरिकांना स्वच्छतेबाबतः तसेच कचऱ्याच्या वर्गीकरणाबाबत माहिती दिली जाते. बाजारपेठ व व्यावसायिक ठिकाणी ओला व सुका कचरा विलगीकरण करण्यात येत असल्याचे सांगण्यात आले.

बंदी असलेले प्लास्टिक वापरल्यास दंडाची तरतूद
पहिल्यांदा वापर- पाच हजार रूपये
दुसऱ्यांदा वापर- १० हजार रूपये
तिसऱ्यांदा वापर- २५ हजार रूपये आणि तीन महिने कारावास

सरकारने प्लास्टिक पिशव्यांच्या वापरावर आहे. प्लास्टिक पिशव्यांचा वापर करणे, हा कायदेशीर गुन्हा आहे. त्यामुळे बंदी असलेल्या प्लास्टिक पिशव्यांचा वापर करणाऱ्या विक्रेत्यासह ग्राहकांवर दंडात्मक कारवाईबरोबरच कायदेशीर कारवाई करण्याची तरतूद आहे. त्यामुळे नागरिकांनी प्लास्टिक पिशव्यांचा वापर करू नये. आपले शहर प्लास्टिकमुक्त होण्यासाठी सर्वांनी सहकार्य करावे, असं पिंपरी-चिंचवडचे अतिरिक आयुक्त विजयकुमार खोराटे यांनी म्हटलं आहे.