या व्हिडिओआणि फोटोमधील माहितीमधून संतोष देशमुख यांना मारहाण करायला कधी सुरुवात केली? आणि संतोष देशमुख यांचा मृत्यू कधी झाला हे स्पष्ट होत आहे. हे सर्व व्हिडिओ 9 डिसेंबर 2024 चे आहेत.

व्हिडिओ क्र.1 : 9 डिसेंबर रोजी 15.46.06 (तीन वाजून 46 मिनिटांनी मारहाणीला सुरुवात केली)

महेश केदार याचा मोबाईलमधील पहिला व्हिडिओ VID20241209154453 हा तब्बल एक मिनिट दहा सेकंदचा आहे. या व्हिडीओची साइज 171MB इतकी आहे. या व्हिडीओत आरोपी संतोष देशमुख यांना पांढऱ्या रंगाचा पाईप आणि वायर सारख्या हत्याराने तसेच लाथा बुक्क्याने मारहाण करताना दिसत आहेत.

व्हिडिओ क्र. 2 : वेळ दुपारी 03.47.02

हा व्हिडीओ 53 सेकंदाचा आणि 128 MB चा आहे. या व्हिडीओत आरोपी संतोष देशमुख यांना शिवीगाळ करून मारहाण करत आहेत. आरोपी यातही पांढऱ्या रंगाचा पाईप आणि वायरने मारहाण करत आहेत. यानंतर आरोपी संतोष देशमुख यांची पॅन्ट काढत आहेत.

व्हिडिओ क्र. 3 : वेळ दुपारी 03.48.00

हा व्हिडीओ 35 सेकंद, 86.9 mb चा आहे. या व्हिडीओत आरोपी संतोष देशमुख यांना बुटाने मारहाण करत आहेत. तर दुसरा आरोपी हातात वायर सारखे हत्यार घेऊन पाठीमागे लावलेल्या मुठीने मारहाण करत आहे.

व्हिडिओ क्र. 4 : वेळ – 15.51.43 ( 3 वाजून 51 मिनिट 43 सेकंद)

हा व्हिडीओ 2.04 (दोन मिनिट चार सेकंद) 300 MB चा आहे. या व्हिडीओत आरोपी शिवीगाळ करून लवचिक पाईपने देशमुखांना मारहाण करताना शूटिंग करत आहेत. शूटिंग करणारा महेश केदार असल्याचे दिसत आहे. याच व्हिडिओमध्ये सुदर्शन घुलेची गाडी देखील दिसत आहे.

व्हिडिओ क्रमांक 5 : वेळ – 15.52.26 (तीन वाजून 52 मिनिट 26 सेकंद)

हा व्हिडीओ 7 सेकंदचा आबे. या व्हिडिओमध्ये आरोपी संतोष देशमुख यांना मारहाण करताना कॉलरला धरुन उठवून बसवताना दिसत आहेत.
Girish Mahajan : मंत्री गिरीश महाजन यांच्या डोक्याला दुखापत, वरणगावात उपचार, नाशिककडे रवाना

व्हिडिओ क्रमांक 6 : वेळ – 15.53.59 (3 वाजून 53 मिनिट 59 सेकंद)

हा व्हिडीओ 36 सेकंद 87 mb चा आहे. या व्हिडिओमध्ये संतोष देशमुख यांना तोंडावर तसेच इतर ठिकाणी मारहाण झालेली दिसत आहे.

व्हिडिओ क्रमांक 7 : वेळ – 15.54.22 (३वाजून ५४ मिनिट २२ सेकंद)

हा व्हिडीओ 14 सेकंद 35MB चा आहे. या व्हिडीओत आरोपी तपकिरी रंगाच्या पाईपने देशमुखांना मारहाण करताना आणि मोबाईलमध्ये शूट करताना एक व्यक्तीचा हात दिसत आहे)

व्हिडिओ क्रमांक 8 : वेळ – 15.54.32 (३ वाजून ५४ मिनिट ३२ सेकंद)

हा व्हिडीओ 4 सेकंद 10 mb चा आहे. या व्हिडिओमध्ये आरोपी हे संतोष देशमुख यांना बळजबरीने काहीतरी विचारत आहेत.

व्हिडिओ क्र. 9 : वेळ – 15.55.27 (3 वाजून 55 मिनिट 27 सेकंद)

हा व्हिडीओ 52 सेकंद 127MB चा आहे. या व्हिडिओमध्ये संतोष देशमुख यांना तोंडावर तसेच इतर ठिकाणी मारहाण झालेली आहे. तसेच आरोपी घुले हा जबरदस्तीने देशमुखांना आपण सगळ्यांचा बाप आहे असं म्हणायला लावून खाली पाडून जखमीच्या तोंडावर उभ्याने लघवी करताना दिसत आहे.

व्हिडिओ क्रमांक 10 : वेळ – (15.58.56)

हा व्हिडीओ 2 सेकंदाचा आहे. या व्हिडिओमध्ये संतोष देशमुख यांना अंगावरील सर्व कपडे काढून अंडरवियरवर बसवून पाईपने मारहाण केली जात आहे. दुसरा व्यक्ती या सर्व प्रकारची शूटिंग करत आहे.

व्हिडिओ क्रमांक 11 : वेळ – 15.58.56

हा व्हिडीओ 5 सेकंदाचा आहे. या व्हिडीओत जखमी संतोष देशमुख यांना अंडरवेअरवर बसून दुसरा व्यक्ती शूटिंग घेत आहे.

व्हिडिओ क्रमांक 12 : वेळ – 15.59.18

हा व्हिडीओ 12 सेकंदांचा आहे. यात संतोष देशमुख यांना अंडरवेअरवर बसून जबरदस्तीने केस ओढून बोलण्यास लावून शूटिंग काढली जात आहे.

व्हिडिओ क्रमांक 13 : (VID20241209173219) असं मोबाईलमधील व्हिडिओचे नाव. वेळ – 17.34.05

हा व्हिडीओ 1.44 सेकंदांचा आहे. संतोष देशमुख यांना या व्हिडिओमध्ये स्कार्पिओ रंगाच्या गाडीजवळ अंडरवेअरवर उताणे स्थितीत झोपवल्याचे दिसत आहे. तसेच आरोपी हे संतोष देशमुख यांना रक्ताचे दाग असलेले पॅन्ट घालताना दिसत आहेत.

व्हिडिओ क्रमांक 14 : (VID20241209173411) असं मोबाईलमधील व्हिडिओचे नाव. वेळ – 17.35.16 (एक मिनिट चार सेकंद)

हा व्हिडीओ 1.04 सेकंदांचा आहे. या व्हिडिओमध्ये आरोपी संतोष देशमुख याला उठवून बसवून शर्ट घालताना दिसत आहेत. शर्ट घालण्याअगोदर फाटलेले आणि रक्ताने भरलेले बनेल फेकून देताना दिसत आहे.

व्हिडिओ क्रमांक 15 : मोबाईलमधील व्हिडिओचे नाव VID20241209175326 असं आहे. वेळ – 17.53.52 (24 सेकंद व्हिडिओ)

हा फोटो 24 सेकंदाचा आहे. या व्हिडिओमध्ये एक व्यक्ती कण्हत असताना आवाज येत आहे.