राज्यातील भ्रष्टाचाराचे मोठे प्रकरण उघडकीस आले आहे. ९० लाखांचे बिल मंजुरीसाठी तब्बल अडीच लाखांची मागणी केली गेली होती त्यातील दीड लाख स्वीकारताना अधिकाऱ्यांना एसीबीने अटक केली आहे.
याविषयी विस्तृत माहिती अशी की, तक्रारदाराच्या क्रीडा स्पर्धाचे आणि स्विमिंग पूल च्या बांधकामाचे बिल काढण्यासाठी तक्रारदार जिल्हा क्रीडा अधिकारी कार्यालयात चकरा मारत होता. दरम्यान हे बिल मंजूर करण्यासाठी तक्रार जिल्हा क्रीडा अधिकारी कविता नावंदे व क्रीडा अधिकारी बसी यांना जिल्हा क्रीडा अधिकारी नावंदे यांनी स्वतःसाठी दोन लाख रुपये आणि क्रीडा अधिकारी बसी यांच्यासाठी ५० हजार रुपये अशी एकूण अडीच लाख रुपयांच्या लाचेची मागणी केली होती. आपले बिल सुरळीत निघावे यासाठी तक्रारदाराने सुरुवातीला एक लाख रुपये जिल्हा क्रीडा अधिकारी नावंद यांना दिले होते. पण उर्वरित दीड लाख रुपये आणून देण्यासाठी तक्रारदाराकडे तगादा लावण्यात आला. त्यामुळे तक्रारदाराने थेट एसीबी कार्यालय गाठले आणि सबंध प्रकार सांगितला.
एसीबीच्या पथकास समक्ष तक्रारदार जिल्हा क्रीडा कार्यालयात पोहोचला. २५ मार्च रोजी एसीबीच्या पथकासह तक्रारदाराने जिल्हा क्रीडा अधिकारी नावंद यांची भेट घेतली. त्यावेळेस नावंदे यांनी क्रीडा अधिकारी बसीसर येतील ते करून टाका असे म्हणून उर्वरित लाच रक्कम स्वीकारण्यास सहमती दर्शवली. पण प्रत्यक्षात लाचेची रक्कम नावंदे यांनी न स्वीकारल्यामुळे पुन्हा आज 27 मार्च रोजी सापळा रचून कारवाई करण्यात आली. यावेळेस मात्र पंचायत समक्ष क्रीडा अधिकारी नानकसिंग बशी यांनी स्वतःसाठी ५० हजार रुपये आणि जिल्हा क्रीडा अधिकारी कविता नावंदे यांनी त्यांच्यासाठी एक लाख रुपये अशी लाचेची मागणी केली. आणि रक्कम स्वीकारण्याची तयारी देखील दर्शवली. त्यानंतर जिल्हा क्रीडा अधिकारी नावंदे यांनी स्वतःच्या केबिनमध्ये ही लाचीची रक्कम स्वीकारली. ही रक्कम स्वीकारताना जिल्हा क्रीडा अधिकारी नावंदे आणि क्रीडा अधिकारी बसी यांना एसीबीच्या पथकाने रंगेहात पकडले.
दरम्यान जिल्हा क्रीडा अधिकारी कविता नावंदे व क्रीडा अधिकारी नानक सिंग बसी यांच्या विरोधात परभणीच्या नानलपेठ पोलीस ठाण्यात गुन्हा दाखल करण्यात आला आहे. अधिकाऱ्यांनी एवढ्या मोठ्या स्वरूपात लाचेची रक्कम स्वीकारल्याने परभणी जिल्हाभरात मात्र खळबळ उडाली आहे.
लेखकाबद्दलडॉ. धनाजी चव्हाणमहाराष्ट्र टाइम्स ऑनलाईनमध्ये ‘ परभणी जिल्हा प्रतिनिधी’ म्हणून कार्यरत. 20 वर्षांपूर्वी वृत्तपत्रातून पत्रकारितेची सुरुवात. दैनिक भास्कर, दैनिक झाडाझडती, न्यूज स्टेट महाराष्ट्र न्यूज चैनल असा प्रवास करत मटा ऑनलाईनपर्यंत वाटचाल; राजकीय बातम्यांमध्ये विशेष हातखंडा… आणखी वाचा