नागपूर रेल्वे स्थानक परिसरातून बुलेटची चोरी करून पळून गेलेल्या तरुणाला लोहमार्ग पोलिसांनी नाशिक येथून अवघ्या २४ तासात अटक केली. विशेष म्हणजे वाहतूक चालानमुळे या चोरीचा छडा लागला.
त्यामुळे त्यांनी लोहमार्ग पोलिसात चोरीची तक्रार दिली. पार्किंगमध्ये दुचाकींचे हँडल लॉक न करताच ठेवले जाते. त्यामुळे आरोपीने बुलेट तेथून काढली व सरळ एका किल्ली बनविणाऱ्याकडे जाऊन नवीन चावी तयार केली व तो नाशिककडे निघाला. लोहमार्ग पोलिसांनी या प्रकरणाचा तांत्रिक तपास केला असता वर्धा येथे ही गाडी चालान झाल्याची माहिती मिळाली. त्यामुळे लोहमार्गचे पुष्पराज मिश्रा, प्रवीण खवसे, मझहर अली हे वर्धा येथे गेले व चालानच्या आधारे तेथील वाहतूक पोलिसांकडे विचारपूस केली असता, चालकाजवळ हेल्मेट नसल्याने चालान केल्याचे त्यांनी सांगितले. याच वाहनाला अकोल्यापुढे बोरगाव मंजू येथे पुन्हा चालान करण्यात आले होते. त्यामुळे पोलिसांचे पथक तेथे गेले. तेथे हा तरुण नाशिकला गेल्याची माहिती मिळाली. तेथे नाशिक पोलिसांच्या मदतीने २४ तासाच्या आत बुलेट हस्तगत करून आरोपीला अटक करण्यात आली.
ही कारवाई लोहमार्ग पोलिस अधीक्षक डॉ. प्रियंका नारनवरे, अपर पोलिस अधीक्षक दत्ताराम रठोड, विभागीय पलिस अधिकारी पांडुरंग सोनवणे यांच्या मार्गदर्शनात व पोलिस निरीक्षक गौरव गावंडे यांच्या नेतृत्वात करण्यात आली.
लेखकाबद्दलअविनाश महालक्ष्मेअविनाश महालक्ष्मे मटाच्या नागपूर आवृत्तीत सहायक संपादक आहेत. २०१२ पासून ते मटामध्ये आहेत. यापूर्वी तरुण भारत, नवराष्ट्र येथे मुख्य वार्ताहर म्हणून जबाबदारी सांभाळली. पत्रकारितेत गेल्या तीन दशकाहून अधिक काळापासून कार्यरत आहे. वैदर्भीय वक्त्यांची सूची तसेच खळी काव्यसंग्रह प्रकाशित. १९९२ साली पहिला ऑडिओ दिवाळी अंक काढला. त्याचे प्रकाशन सुरेश भट यांच्या हस्ते झाले होते. विदर्भाच्या ग्रामीण भागातील जीवनावरचे घानमाकड पुस्तक प्रकाशनाच्या वाटेवर. स्वामी समर्थ व गजानन महाराजांवर लिहिलेल्या गीतांचा स्वतंत्र कार्यक्रम नागपुरातील गायकांनी सादर केला. सामाजिक लेखन करायला आवडते. सध्या मटामध्ये आरोग्य, रेल्वे, हेरिटेज व इतरही विषयांवर लिहीत असतो.… आणखी वाचा