मिळालेल्या माहितीनुसार, हत्या करणारा आरोपी मृतकाच्या ओळखीतील असून, तो त्याच्या मुलीवर एकतर्फी प्रेम करत होता. मात्र, मृतकाने या गोष्टीला विरोध केला होता. संतापाच्या भरात आरोपीने बुधवारी दुपारी मृतकाला रस्त्यावर अडवून त्याच्यावर खंजीराने सपासप वार केले. यात त्याचा मृत्यू झाला. नरेश वालदे (53 वर्ष) असे मृतकाचे नाव आहे. तो पेंटिंगचे काम करत होता. तर नितेश उर्फ नाना मेश्राम आणि ईश्वर उर्फ जॅकी सोमकुवर अशी आरोपींची नावे आहेत.

बुधवारी दुपारी नरेश याला नितेशने भेटून बोलण्यासाठी बोलावले होते. त्यानंतर नितेश आणि ईश्वर गाडीने जाटतरोडी पोलीस चौकीजवळ आले असता दोघांनी नरेशवर खंजीरने हल्ला करून घटनास्थळावरून पळ काढला. मृतकाच्या कुटुंबीयांनी दिलेल्या माहितीनुसार, नितेश उर्फ नाना मेश्राम गेल्या चार वर्षांपासून नरेशच्या मुलीवर एकतर्फी प्रेम करत होता आणि तिला त्रास देत होता. नरेशने याला विरोध केला आणि अनेकदा आरोपीला समजावण्याचा प्रयत्नही केला होता. मात्र आरोपींनी त्याला जीवे मारण्याची धमकी दिली होती.
अराजकतेचं अक्षरश: थैमान; तरुणीला दिवसाढवळ्या निर्वस्त्र करत मारहाण, भर रस्त्यात घडला संतापजनक प्रकार
हत्येच्या एक दिवस अगोदर रात्री काही अज्ञातांनी नरेशच्या घरावर दगडफेक केली होती. त्याबाबतची फिर्याद इमामवाडा पोलीस ठाण्यात दाखल करण्यात आली होती. मात्र इमामवाडा पोलिसांकडून आरोपीवर कोणतीही कारवाई करण्यात आली नव्हती. या निर्घृण हत्येनंतर आता पोलीस कारवाई करत आहेत. पोलिसांनी आरोपींविरुद्ध हत्येचा गुन्हा दाखल करून त्यांचा शोध सुरू केला. त्यानंतर बुधवारी रात्री क्राइम ब्रांच युनिटने चार आरोपींना अटक केली.