Dhule Child Died Due To Balloon: धुळ्यात एका चिमुकल्या जीवाचा फुग्यामुळे जीव गेला आहे. अंगणात खेळताना फुगा फुगवत होती. तेवढ्यात तोंडातच फुगा फुटला आणि तो तिच्या घशात अडकला.
घराच्या अंगणात खेळताना फुगा तोंडातच फुटला अन्…
डिंपलच्या घशात फुगा अडकल्याचं लक्षात येताच तिच्या घरच्यांनी क्षणाचाही विलंब न करता तिला तातडीने आपल्या खाजगी वाहनाने जिल्हा रुग्णालयात दाखल केले. मात्र, या दरम्यान डॉक्टरांनी तिला तपासून मृत घोषित केले आणि कुटुंबाने एकच टाहो फोडला. अवघ्या आठ वर्षांची डिंपल आपल्या घराच्या अंगणात खेळत असताना तिच्यासोबत अशी कुठली दुर्घटना होईल असा कोणीही विचार केला नसेल.
डिंपलला रुग्णालयात नेलं पण…
साक्री येथील यशवंत नगर येथे डिंपर आपल्या कुटुंबासोबत राहत होती. ती घराच्या अंगणात खेळत असताना तिने फुगा फुगवला. त्यावेळी हा रबरी फुगा अचानक फुटला आणि डिंपलला काहीही कळण्याच्या आत त्या फुगाच्या तुकडे तिच्या घशात जाऊन अडकले. त्यामुळे तिला श्वास घेण्यास त्रास होऊ लागला. ती रडू लागली. जेव्हा घरच्यांना हे लक्षात आलं की डिंपलच्या घशात फुग्याचे तुकडे अडकले आहे, त्यांनी तात्काळ आपल्या खाजगी वाहनाने तिला रुग्णालयात नेलं. मात्र, तोपर्यंत फार उशीर झालेला होता. डॉक्टरांनी चिमुकलीला तपासून मृत घोषित केलं.
आता या प्रकरणी धुळे शहर पोलीस ठाण्यात या घटनेची नोंद झाली असून पोलीस या प्रकरणी अधिक तपास करीत आहे. मात्र, या घटनेने लहान मुलांवर लक्ष ठेवणं किती आवश्यक आहे हे पुन्हा एकदा समोर आलं आहे.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा