दिशाच्या डोक्याला गंभीर स्वरुपाची इजा झाली होती. तिच्या हाताला, पायाला, छातीला जखमा झाल्या होत्या. डोक्याला झालेली दुखापत गंभीर स्वरुपाची होती. ती बरीच खोलवर होती. त्यामुळे मोठ्या प्रमाणात रक्तस्राव झाला. हीच जखम तिच्या मृत्यूस कारणीभूत ठरल्याचा उल्लेख दिशाच्या शवविच्छेदन अहवालात आहे. दिशावर कोणताही अत्याचार, बलात्कार झाला नसल्याचं या अहवालात नमूद करण्यात आलेलं आहे.
वाद कामरा अन् शिंदेसेनेचा, झटका बलराज सिंह घईंना; नेटकऱ्यांना आठवली कंगना, ‘ते’ ट्विट चर्चेत
दिशाचा मृत्यू पाच वर्षांपूर्वी झाला. ८ जून २०२० रोजी मुंबई उपनगरातील मालाड येथील १४ व्या मजल्यावरुन पडून दिशाचा मृत्यू झाला. मृत्यूनंतर ५० तासांनी म्हणजेच ११ जूनला शवविच्छेदन करण्यात आलं. बोरिवलीतील महापालिका रुग्णालयात डॉ. जाधव यांच्या निगराणीखाली शवविच्छेदन प्रक्रिया पार पडली. त्याचा अहवाल समोर आला आहे.

दिशाच्या मृत्यू प्रकरणी मालाडच्या मालवणी पोलीस ठाण्यात अपघाती मृत्यूची नोंद करण्यात आली. दिशाचा शवविच्छेदन अहवाल तिच्या वडिलांना त्याचवेळी देण्यात आला. डोक्याला झालेल्या जखमेतून मोठ्या प्रमाणात रक्तस्राव झाल्यानं दिशाचा मृत्यू झाल्याचं अहवालात नमूद करण्यात आलं आहे. दिशाच्या शरीरावर असलेल्या जखमा अनैसर्गिक असल्याचा उल्लेख अहवालात आहे.
रिक्षावाला ठाणे से बुलडोझर लेके आया! गायकाचं कामराला सुरेल प्रत्युत्तर, कंगनाचाही उल्लेख
दिशाचे वडील सतीश सालियन यांनी तिच्या मृत्यूची चौकशी पुन्हा करण्याची मागणी केलेली आहे. दिशाच्या वडिलांना शवविच्छेदन पूर्ण झाल्यानंतर लगेचच अहवाल देण्यात आला होता. हाच अहवाल त्यांनी न्यायालयात दाखल केलेल्या याचिकेसोबतही जोडला आहे. हा अहवाल खोटा असल्याचा त्यांचा दावा आहे. काहींना वाचवण्यासाठी पोलिसांनी पालिकेच्या डॉक्टरांना हाताशी धरुन संगनमतानं अहवाल तयार केल्याचा त्यांचा आरोप आहे.