Marathi Issue at Dmart- मराठी भाषेची हेटाळणी राज्यात काही परप्रातिंयाकडून केली जात आहे. मराठी बोलण्यास सांगितल्यास माज दाखवला जात आहे. वर्सोव्यातील डी मार्टमध्ये असाच प्रकार समोर आला आहे. कर्मचाऱ्याला मराठीत बोलण्यास सांगितल्यास हिंदीतच बोलणार असल्याची उद्धट उत्तर दिले.
नेमकी घटना काय?
अंधेरीतील वर्सोवा येथे एका मराठी भाषिकाने डी मार्ट कर्मचाऱ्याला मराठीत बोलण्यास सांगितले त्यावेळी त्या कर्मचाऱ्याने मराठी भाषा येत नाही. काय करणार, तू मराठी शिकवायला आला आहेस का? असे उद्धट उत्तर दिले. तसेच तूला जे करायचं ते कर असेही म्हटलं. या प्रकरणाचा व्हिडिओ सोशल मीडियावर व्हायरल झाला.
मनसैनिकांचा चोप, मग माफी
या वादानंतर मनसेने या प्रकरणाची दखल घेतली. मनसे विभाग अध्यक्ष संदेश देसाई यांच्या नेतृत्त्वाखाली मनसैनिकांनी थेट डी मार्टच्या कार्यालयात धडक दिली. त्या कर्मचाऱ्याला समोर बोलवत मराठी येत नाही त्याबद्दल माफी मागण्यास सांगितले आणि त्याला आणि त्याच्या सहकाऱ्याला चोप दिला. महाराष्ट्रात राहायचं असेल तर मराठी बोलावचं लागेल अशी तंबी मनसैनिकांनी दिली. त्यासंबंधींचा व्हिडिओ मनसेच्या कार्यकर्त्यांनीही जारी केला आहे.
एअरटेल गॅलरीतील प्रकारकाही दिवसांपूर्वीच चारकोप येथील एअरटेल गॅलरीमध्ये महिला कर्मचाऱ्याला मराठीमधून बोलण्याची विनंती केली असता तिने मराठीत बोलण्यास नकार दिला. या प्रकरणाचा व्हिडिओ व्हायरल झाला होता. त्यानंतर मनसैनिकांनी आक्रमक पवित्रा घेतला होता. शिवसेना ठाकरे गटानेही एअरटेलच्या व्यवस्थापनाला मराठी बोलणाऱ्यांची गॅलरीत नेमणूक केली जावी अशी मागणी केली होती अन्यथा शिवसेना स्टाईलने उत्तर दिले जाईल असा इशारा दिला होता. पुण्यातील वाघोलीतील डी मार्टमध्ये हिंदीतच बोलणार असल्याचे म्हटल्याचा व्हिडिओ व्हायरल झाला होता.
लेखकाबद्दलनारायण परब महाराष्ट्र टाइम्स मध्ये कंटेन्ट रायटर म्हणून कार्यरत आहे. २०१७ पासून डिजिटल मीडियामध्ये विविध वेबपोर्टलसाठी काम केले आहे. नवराष्ट्रसाठी कंटेन्ट रायटर म्हणून काम केले असून विविध इंस्टाग्राम पेजसाठी ही कंटेन्टची निर्मिती केली आहे. जनसंपर्क क्षेत्रातही फ्रिलान्सर म्हणून काम करण्याचा अनुभव. ऑल इंडिया रेडिओसाठीही काम केले आहे . क्रीडा, राजकारण, देश-विदेश, मनोरंजन, करिअर, ऑटो या कार्यक्षेत्रांमध्ये विशेष रस.
साठये महाविद्यालयातील माध्यम विभागात २०१७ पासून व्याख्याता म्हणून कार्यरत.… आणखी वाचा