बुलढाण्यात लोकांना टक्कल पडण्याच्या विषयी विधानपरिषदेत खोटी माहिती दिल्याप्रकरणी हक्क भंग दाखल करण्यात आला आहे. काही दिवसांपूर्वी बुलढाण्यातील लोकांचे अचानक टक्कल पडत असल्याने मोठी खळबळ निर्माण झाली होती. लोकांचे केस इतके जास्त गळत होते की, त्यांच्या डोक्याचे टक्कल पडत होते. यादरम्यान रेशनवर मिळणा-या गव्हामधील सेलेनियममुळे लोकांचे केस गळत असल्याचे संशोधन पद्मश्री डॉ. हिम्मतराव बाविस्कर यांनी संशोधन केले आहे. मात्र, मंत्री मेघना बोर्डीकर यांनी गव्हातील सेलेनियममुळे केस गळती होत नाही अशी माहिती सभागृहाला दिली.
Prashant Bamb : विधानपरिषदेतील शिक्षक-पदवीधर प्रतिनिधत्व रद्द होणार? भाजप आमदाराच्या मागणीने खळबळसभागृहाला चुकीची माहिती देऊन दिशाभूल केल्यामुळे काँग्रेस आमदार धीरज लिंगाडे यांनी हक्कभंग दाखल केलाय. विधानपरिषद सभापती राम शिंदे यांनी हा हक्कभंग दाखल करून घेतल्याचीही माहिती मिळतंय. यामुळे आता मेघना बोर्डीकर यांच्या अडचणीत मोठी वाढ होताना दिसतंय. काहीही न करता बुलढाण्यात लोकांची केस गळत होते आणि टक्कल पडत होते. या प्रकरणानंतर शासनाच्या पथकाने पाहणी केली.

लोकांचे असे अचानक टक्कल का पडत आहे? याचा देखील शोध घेण्यात आला. यादरम्यान पद्मश्री डॉ. हिम्मतराव बाविस्कर यांनी संशोधन केले आणि त्यांना आढळले की, रेशनवर मिळणा-या गव्हामधील सेलेनियममुळे लोकांचे केस गळत आहेत. मात्र, सभागृहात मेघना बोर्डीकर यांनी गव्हातील सेलेनियममुळे केस गळती होत नसल्याचे म्हटले. यामुळे काँग्रेस आमदार धीरज लिंगाडे यांनी मेघना बोर्डाकरांविरोधात थेट हक्कभंग दाखल केला आहे. आता यावर मेघना बोर्डीकर काय भाष्य करतात, याकडे सर्वांच्या नजरा आहेत.