मारहाण प्रकरणात अटकेत असलेल्या सतीश भोसले उर्फ खोक्याला पोलिसांकडून व्हीआयपी ट्रीटमेंट देण्यात येत असल्याचा व्हिडिओ व्हायरल झाला होता. या घटनेची गंभीर दखल घेत पोलिसांनी सतीश भोसले उर्फ खोक्याला व्हीआयपी ट्रीटमेंट देणाऱ्या दोन पोलीस कर्मचाऱ्यांचे तडकाफडकी निलंबन करण्यात आलंय. विनोद सुरवसे आणि कैलास खटाणे अशी निलंबित करण्यात आलेल्या पोलीस कर्मचाऱ्यांची नावं आहेत. याशिवाय ठाणेदारांनाही कारणे दाखवा नोटीस बजावण्यात आलीये. या कर्मचाऱ्यांसह इतर अधिकारी दोषी असतील, तर त्यांच्यावर देखील कारवाई केली जाणार असल्याची माहिती अपर पोलीस अधीक्षक सचिन पांडकर यांनी दिली.