गुढीपाडव्याच्या मुहूर्तावर राज्य सरकारकडून महत्त्वाचा निर्णय

परिवहन मंत्री प्रताप सरनाईक यांनी दिलेल्या माहितीनुसार, महाराष्ट्र राज्याची मराठी ही अधिकृत राज्य भाषा आहे. महाराष्ट्रातील नागरिक हे प्रामुख्याने मराठी भाषिक आहेत. देशाचे पंतप्रधान नरेंद्र मोदी यांच्या प्रयत्नातून मराठी भाषेला अभिजात भाषेचा दर्जा मिळाला आहे. सहाजिकच मराठी भाषेचे संवर्धन करणं ही शासनाची नैतिक जबाबदारी आहे. त्याचाच एक भाग म्हणून व्यावसायिक वाहनांवर लिहिलेले संदेश हे मराठीतच असावेत असे निर्देश देण्यात आले आहेत.
HSRP बाबत मोठी बातमी, नंबरप्लेटसाठी मुदतवाढ; कोणत्या वाहनासाठी किती पैसे लागणार?

व्यावसायिक वाहनांवरील संदेश मराठीतच…

राज्यात नोंदणी असलेल्या अनेक व्यावसायिक वाहनांवर लिहिलेले सामाजिक संदेश, जाहिरात आणि प्रबोधनात्मक माहिती हिंदीत किंवा इतर भाषांमध्ये लिहिलेली असतात. (उदा . बेटी बचाव बेटी पढाव) त्यामुळे मराठी भाषेच्या प्रचार आणि प्रसारवर बंधनं येतात. मात्र यंदाच्या गुढीपाडव्यापासून असे सामाजिक संदेश, जाहिरात आणि प्रबोधनात्मक माहिती मराठी भाषेत प्रदर्शित केल्यास (उदा . मुलगी वाचवा, मुलगी शिकवा) महाराष्ट्रातील जनतेला अधिक उपयुक्त माहिती मिळेल आणि मराठी भाषेचा प्रचार आणि प्रसार होईल.
मुंबई ते उल्हासनगर, अंबरनाथ, बदलापूरला जोडणारा महामार्ग लवकरच; MMRDA चा मोठा निर्णय

त्याशिवाय आपल्या राज्यात मराठी भाषेचा योग्य सन्मान राखला जाईल. त्यासाठी येत्या गुढीपाडव्याच्या शुभमुहूर्तावर महाराष्ट्र राज्यात नोंदणीकृत असलेल्या सर्व व्यावसायिक वाहनांवरील सामाजिक संदेश तसंच इतर महत्वाच्या जाहिराती आणि प्रबोधनात्मक माहिती ही मराठी भाषेत लिहिण्याची अंमलबजावणी सुरू करावी, असे निर्देश परिवहन मंत्री प्रताप सरनाईक यांनी परिवहन आयुक्त यांना दिले आहेत.