शिवसेनेसोबत युती होऊ शकते का? नाही, लाडकी बहीण झाली, मंत्रीपण कळला, आता लाडके उपमुख्यमंत्री कोण? एकनाथ शिंदे की अजित पवार, दोघेही लाडके आहेत आणि मी पण त्यांचा लाडका आहे. आम्ही लाडके मुख्यमंत्री आणि उपमुख्यमंत्री आहेत. लाडके ठाकरे कोणते? उद्धव ठाकरे की राज ठाकरे? ठाकरे आहेत आपण त्यांना लाडके म्हणायचं आणि त्यांनी आपल्याला दोडकं म्हणायचं, कुठे भानगडीत पडता. खरं सांगतो की गेल्या पाच वर्षात उद्ध्वजींसोबत संबंध राहिला नाही, राज ठाकरेंसोबतच माझा संबंध राहिला. उद्ध्वजींनी संबंध तोडून टाकले. मारामारी नाहीये, पण समोर आलं तर आम्ही चांगलं बोलतो आणि नमस्कार करतो पण संबंध म्हणून काही राहिला नाही.लाडका मंत्री योजना सुरू केलेली आहे, त्याचे निकष ठरलेले आहेत. त्याप्रमाणे अॅपलिकेशन घेतलेले आहेत, त्याचं प्रोसेसिंग चाललं आहे, प्रोसेस पूर्ण झाली की सांगतो असं म्हणताच हास्याचे कारंजे उडाल्याचं पाहायला मिळालं.

सर्वात जास्त नाराजीनाट्य कोण करतं? कोणीच करत नाही. सोशल मीडिया आणि छोट्या क्लिपमुळे कोणत्याही गोष्टीचा कसाही अर्थ लावला जातो. आपण बोलत असताना त्याचा फोटो काढून दहा अर्थ लावले जातात. या प्रश्नामध्ये कसा देवेंद्रजींचा चेहरा खुलला, नाराजीनाट्य वगरे नाही. माझा अनुभव असा आहे की एकनाथ शिंदे शिवसैनिक असल्यामुळे ते शिवसैनिकाप्रमामे भावनिक आहेत. अजित पवार हे प्रॅक्टिकल आहेत, राजकारणातही ते प्रॅक्टिकल राहून निर्णय घेणारे आहेत. त्यामुळे दोघांशीही वागताना मला हे लक्षात ठेवावं लागतं की दादांशी वागताना प्रॅक्टिकली विचार करावा लागतो आणि शिंदेंशी वागताना त्यांच्या भावनिक बाजूचा विचार करावा लागतो. तेवढं जर मी सांभाळलं तर काही अडचण येत नाही, असं देवेंद्र फडणवीस यांनी सांगितलं.