दरम्यान १ मार्चला बेलतरोडी पोलिसांनीही कोरटकरविरुद्ध गुन्हा दाखल केला. हा गुन्हा कोल्हापूर पोलिसांकडे वर्ग केला. कोल्हापूरमध्ये दाखल गुन्ह्यात न्यायालयाने कोरटकरला तात्पुरता जामीन मंजूर केला. काही दिवसांपूर्वी न्यायालयात जामीन अर्जावर सुनावणी झाली. न्यायालयाने त्याचा जामीन फेटाळला. जामीन फेटाळताच कोल्हापूर पोलिस दलातील पोलीस उपनिरीक्षक आणि पाच अंमलदारांचे पथक बुधवारी रात्री नागपुरात पोहोचले.
‘Aaditya Thacketay, Dino Morea दिशा सालियनच्या फ्लॅटवर दोन ते तीन तास होते’, वकिलाचा खळबळजनक दावा
पोलिसांनी त्याच्या घरी धाड टाकली. पण कोरटकर आढळून आला नाही. पोलिसांनी कोरटकर याची पत्नी पल्लवी यांची चौकशी केली. प्रशांतबाबत माहिती नसल्याचे त्यांनी पोलिसांना सांगितले. पोलिसांनी त्यांचे बयाण नोंदविले. प्रकरण संवेदनशील असल्याने याबाबत सांगता येणार नाही, असे कोल्हापूर पोलीस दलातील नागपुरात आलेल्या पोलीस उपनिरीक्षकाने सांगितले.

प्रशांत कोरटकरच्या अडचणी वाढण्याची शक्यता

दरम्यान, छत्रपती शिवाजी महाराज आणि छत्रपती संभाजी महाराज यांच्या बद्दल अपशब्द वापरणाऱ्या आणि इंद्रजीत सावंत यांना धमकी देणाऱ्या प्रशांत कोरटकर विरोधात कोल्हापूर जिल्हा सत्र न्यायालयाने अटकपूर्व जामीन फेटाळला आहे. यानंतर जुना राजवाडा पोलीस ठाण्यातील एक पोलिसांच पथक कोरटकरचा शोध घेण्यासाठी नागपूरकडे रवाना झालं. मात्र प्रशांत कोरटकर सध्या फरार आहे. प्रशांत कोरटकरने तपासासाठी आपला मोबाईल पोलिसांकडे सुपूर्द केला असला तरी त्याने मोबाईलमधील सर्व डेटा डिलीट केला असल्याने तपासात अडथळा निर्माण होत आहे. यामुळे प्रशांत कोरटकरने पुरावा नष्ट करण्याचा प्रयत्न केला असल्याचा युक्तीवाद देखील न्यायालयात झाला होता. यामुळे आता कोरटकरवर दाखल असलेल्या गुन्ह्यात आणखी पुरावा नष्ट केल्याचा एक कलम वाढवावा यासाठी आज फिर्यादी इतिहास संशोधक इंद्रजीत सावंत आणि शिवप्रेमींनी कोल्हापूरच्या जुना राजवाडा पोलीस ठाण्यात निवेदन दिलं आहे.