यानंतर शीतल म्हात्रे यांनी एक्सवर पोस्ट करत आपल्या भावना व्यक्त केल्या आहेत. त्यांच्या या पोस्टनुसार त्या विधान परिषदेच्या उमेदवारीसाठी इच्छुक होत्या. पण त्यांना उमेदवारी मिळाली नाही. तरीही आपण नाराज नसल्याची भावना त्यांनी व्यक्त केली आहे. “मंजिलें अभी और भी हैं. चलना अभी दूर तक और भी है। जो चाह थी मेरी, वो मुझे नहीं मिली, पर जो कुछ भी मिला, वो किसी स्वप्न देखी चाह से कम भी नहीं”, असं ट्विट शीतल म्हात्रे यांनी केलं आहे.

शीतल म्हात्रे यांनी आपल्या ट्विटमधून आपली भूमिका मांडली आहे. “आपल्या आयुष्यात अजून अनेक ध्येय आहेत. अजून दूरपर्यंत चालायचं आहे. मला ज्याची इच्छा होती ते मिळालं नाही. पण माझ्याकडे सध्या जे काही आहे ते कुणा स्वप्नापेक्षा कमी नाही”, असं शीतल म्हात्रे म्हणाल्या आहेत.

महायुतीचे 5 उमेदवार कोण?

विधान परिषदेच्या निवडणुकीसाठी भाजपकडून दादाराव केचे, संदीप जोशी आणि संजय केनेकर यांना उमेदवारी जाहीर झाली आहे. या तीनही उमेदवारांनी आज आपला उमेदवारी अर्ज दाखल केला आहे. तर उपमुख्यमंत्री अजित पवार यांच्या राष्ट्रवादी काँग्रेस पक्षाकडून संजय खोडके यांना उमेदवारी जाहीर झाली आहे. तर एकनाथ शिंदेंच्या शिवसेनेकडून चंद्रकांत रघुवंशी यांना उमेदवारी जाहीर झाली आहे.