या आयोजित केलेल्या बैठकीत स्थानिक प्रशासनाने सकारात्मक प्रतिसाद दिला नसून माथेरान पर्यटन बचाव संघर्ष समितीने मागणी केलेल्या शुल्लक मागण्यांची पूर्तता स्थानिक प्रशासन स्थानिक पातळीवर करू शकत नसल्याने या पर्यटन बचाव संघर्ष समितीने मंगळवार १८ मार्च पासून बेमुदत बंद जाहीर केला आहे. त्यास येथील हॉटेल इंडस्ट्री, ई रिक्षा संघटना, व्यापारी वर्ग, विविध सामाजिक संस्था यांनी समर्थन दिले असून जोपर्यंत स्थानिक प्रशासन लेखी स्वरूपात मागणी केलेल्या शुल्लक मागण्या कायमस्वरूपी पूर्ण करत नाही, तोपर्यंत हे पर्यटनस्थळ बेमुदत बंद करण्यात येणार असल्याचे समितीच्या पदाधिकाऱ्यांनी सांगितले आहे. या बंदमध्ये शालेय विद्यार्थ्यांची ई रिक्षाची सेवा बंद करण्यात येणार आहे, असे संघटनेचे अध्यक्ष शकील पटेल यांनी सांगितले आहे.
Central Railway : मध्य रेल्वे प्रवाशांसाठी मोठी बातमी, बदलापूर ते कर्जत मार्गावरील प्रवास सोपा होणार; सरकारची मोठी घोषणा
– माथेरानचे मुख्य प्रवेशद्वार असणाऱ्या दस्तुरी नाक्यावर पर्यटकांना ज्याप्रकारे फसवून, त्यांची दिशाभूल केली जाते, त्यांना बळजबरीने गावात येण्याऐवजी पॉईंट्स दाखवून उशिरा हॉटेलमध्ये सोडण्यात येते.
IPL च्या आधी आरोग्य मंत्रालयाची मोठी विनंती, ‘त्या’ बड्या कंपन्यांना फटका बसणार?
– मिनि ट्रेन बंद असून ई रिक्षाची सेवा फक्त स्थानिकांना दिली जाते, अशी खोटी माहिती देऊन स्वतःच्या घोड्यावर बसवून नवख्या पर्यटकांची दिशाभूल करून अव्वाच्या सव्वा रक्कम उकाळली जाते, त्यासाठी दस्तुरी नाक्यावरील अंतर्गत भागात घोडेवाले असोत किंवा कुली, रूम्सचे एजंट, रिक्षावाले यांना प्रवेश देऊ नये.

– जागोजागी माहिती फलक लावण्यात यावेत, सीसीटीव्ही कॅमेरे बसवण्यात यावेत.

अशी माथेरान पर्यटन बचाव संघर्ष समितीने फेब्रुवारीच्या २७ तारखेला मागणी केली होती. ही मागणी पूर्ण झाली नाही, तर माथेरान बेमुदत बंद करण्याचा इशारा या समितीने अधीक्षक सुरेंद्र ठाकूर, मुख्याधिकारी राहुल इंगळे, वनखात्याच्या अधिकारी वर्गाला तसेच पोलीस ठाण्यात सुध्दा लेखी निवेदनाद्वारे दिला होता. परंतु दहा दिवस उलटूनही या स्थानिक प्रशासनाने उपाययोजना केली नाही, त्यामुळे नाईलाजाने माथेरान बेमुदत बंद करून शासनाचे लक्ष वेधून घेण्यासाठी समितीने बंद करण्याचा निर्णय घेतला आहे.