सोलापुरातील अंगणवाडी सेविकांनी सरकारविरोधात आक्रमक भूमिका घेतली आहे. अंगणवाडी सेविकांनी सोमवारी (१७ मार्च) जिल्हाधिकारी कार्यालयावर विराट मोर्चा काढला होता. लाडकी बहीण योजना राबवण्यात आम्ही मोठी भूमिका बजावली असे आंदोलक महिला म्हणाल्या. मात्र आता आम्हालाच चोर समजले जात आहे असे सांगत अंगणवाडी सेविका संतापल्या. प्रशासनाच्या ढिसाळ कारभाराचे भांडेफोड करत मानधनवाढ मिळावी अशी त्यांनी मागणी केली.