‘नवी मुंबई आंतरराष्ट्रीय विमानतळ हा महाराष्ट्राच्या आणि देशाच्या विकासाला गती देणारा महत्त्वाचा प्रकल्प आहे. २०२५च्या जूनपर्यंत तो पूर्ण करण्याचे आमचे उद्दिष्ट आहे आणि आम्ही त्या दिशेने वेगाने वाटचाल करत आहोत. जून २०२५मध्ये त्याचे उद्घाटन होईल. हा विमानतळ नवी मुंबई व मुंबई शहराच्या वाढत्या गरजा पूर्ण करेल,’ असा विश्वासही अदानी यांनी या पाहणीदरम्यान व्यक्त केला. यावेळी अदानी यांच्यासोबत डॉ. प्रिती अदानी, जीत अदानी, दिवा अदानी, तसेच अदानी एअरपोर्ट होल्डिंग्स लिमिटेडचे सीईओ अरुण बन्सल आणि एनएमआयएएलचे मुख्य कार्यकारी अधिकारी कॅप्टन बीव्हीजेके शर्मा व विविध संबंधित कंपन्यांचे प्रतिनिधी उपस्थित होते.

विमानतळाची प्रमुख वैशिष्ट्ये

■ अत्याधुनिक ग्रीनफिल्ड विमानतळ
■ वेगवान संपर्कासाठी मोठे रस्ते आणि मेट्रो प्रकल्पांशी जोडणी
■ उच्च दर्जाच्या आधुनिक प्रवासी आणि मालवाहतूक सुविधा
■ पर्यावरणपूरक आणि शाश्वत पायाभूत सुविधा

नवी मुंबई विमानतळ प्रकल्प हा नवी मुंबई आणि संपूर्ण मुंबई महानगर प्रदेशासाठी वाहतूक आणि व्यापाराच्या दृष्टीने महत्त्वपूर्ण केंद्र ठरणार आहे. हा विमानतळ कार्यान्वित झाल्यानंतर आंतरराष्ट्रीय दर्जाची संपर्कयंत्रणा आणि व्यापारवाढीच्या नव्या संधी निर्माण होतील, असा विश्वास व्यक्त होत आहे. नवी मुंबई विमानतळ अदानी समूहाद्वारे अत्याधुनिक तंत्रज्ञानाच्या साह्याने विकसित केले जात आहे. या विमानतळामुळे मुंबईवरील प्रवासी आणि मालवाहतुकीवरील ताण कमी होईल.