शहरात गेल्या वर्षी दर हजार मुलांच्या तुलनेत ८८७ पर्यंत घसरलेला मुलींचा जन्मदर आता वाढत असल्याचे आशादायी चित्र आहे. चालू वर्षात जानेवारीत मुलींचा जन्मदर ९६३, तर फेब्रुवारीत ९५४ पर्यंत वाढल्याने ‘नकोशी’ आता हवीहवीशी वाटू लागल्याचे सकारात्मक चित्र आहे.
Kirit Somaiya: सिल्लोडमधील बोगस प्रमाणपत्रांसाठी प्रशासन जबाबदार; किरीट सोमय्यांचा आरोप
गर्भधारणापूर्व आणि गर्भलिंगनिदान प्रतिबंधक कायदा १९९४ सुधारित २००३, तसेच वैद्यकीय गर्भपात कायद्याप्रमाणे गर्भलिंगनिदान करणे कायद्याने गुन्हा असून, त्यासाठी ५० हजार रुपये दंड आणि दहा वर्षांच्या शिक्षेची तरतूद आहे. तरीही वंशाला मुलगाच हवी, अशी बुरसटलेली मानसिकता समाजात असल्याने अवैध पद्धतीने गर्भलिंगनिदान केले जात असल्याचे प्रकार शहरात समोर येत असतात. गेल्या वर्षी महात्मानगरसारख्या उच्चभ्रू वस्तीत अवैध गर्भपात केंद्र सुरू असल्याचा प्रकार उघडकीस आला होता.
साहेब, ही शेती आहुती मागतेय! जीवन संपविण्यापूर्वी शेतकरी कैलास नागरेंचं सरकारला शेवटचं पत्र
या रुग्णालयावर सध्या कारवाई सुरू असली तरी शहरात वैद्यकीय विभागाच्या नाकावर टिच्चून अनेक ठिकाणी अवैध गर्भपात केंद्रे कार्यरत असल्याचे आकडेवारीवरून समोर आले होते. त्यामुळे गेल्या वर्षी शहरात मुलींच्या जन्मदरात घट झाल्याचे चित्र होते. शहरात छुप्या पद्धतीने गर्भलिंगनिदान होत असल्याचे मुलींच्या घटलेल्या जन्मदराच्या आकडेवारीवरून समोर आल्याने महापालिकेमार्फत कायद्याच्या तरतुदींची कठोर अंमलबजावणी सुरू केली गेली. जनजागृतीही करण्यात आल्याने दोन महिन्यांत मुलींचा जन्मदर वाढल्याचे आशादायी चित्र आहे.
Highest Tempreture In Brahmapuri: विदर्भाला यलो अलर्ट! ब्रह्मपुरी देशात सर्वाधिक उष्ण, तापमान ४० अंशांपार
असा वाढला मुलींचा जन्मदर
गेल्या वर्षी दर हजार मुलांमागे मुलींचा जन्मदर ८८७ इतका होता. गर्भलिंगनिदान करणाऱ्यांविरोधात महापालिकेने कठोर कारवाईचा बडगा उगारल्यानंतर जानेवारी व फेब्रुवारी या दोन महिन्यांत मुलींच्या जन्मदरात सुधारणा झाली आहे. जानेवारीत १२०५ मुलांचा, तर ११६० मुलींचा जन्म झाला. जानेवारीतील दर हजार मुलांच्या जन्मामागे मुलींचा जन्मदर ९६३ इतका आहे. फेब्रुवारीत ९७२ मुलगे, तर ९१९ मुली जन्मल्या. दर हजार मुलांमागे फेब्रुवारीत मुलींचा जन्मदर ९५४ इतका आहे.