भानुदास चिव्हाणे (वय ६५) व माया भानुदास चिव्हाणे (वय ६३) अशी गुन्हा दाखल करण्यात आलेल्यांची नावे आहेत. प्रीती स्वप्निल चिव्हाणे (वय ३५) असे जखमीचे नाव आहे. त्यांच्यावर खासगी रुग्णालयात उपचार सुरू आहेत. प्राप्त माहितीनुसार, प्रीती या मिहानमधील टीसीएस कंपनीत कार्यरत आहेत. त्यांचे पती स्वप्नील वैद्यकीय उपकरणांचा पुरवठा करतात. प्रीती व स्वप्नील शेजारीच राहातात. त्यांचा प्रेमविवाह झाला. एक वर्षापूर्वी स्वप्नीलचे विवाहबाह्य संबंध असल्याची माहिती प्रीती यांना मिळाली. त्यांनी भाऊ व नातेवाइकांना सांगितले. नातेवाइकांनी स्वप्नील यांची समजूत घातली. मात्र, त्यांनी ऐकले नाही. यानंतर गेल्या एक वर्षापासून चिव्हाणे कुटुंबीयांनी प्रीती यांचा शारीरिक व मानसिक छळ सुरू केला.
साहेब, ही शेती आहुती मागतेय! जीवन संपविण्यापूर्वी शेतकरी कैलास नागरेंचं सरकारला शेवटचं पत्र
१ मार्चला प्रीती यांनी सासू-सासऱ्यांविरुद्ध एमआयडीसी पोलिसांत तक्रार केली. त्यांनी तक्रार केल्याने भानुदास व माया संतापले. १० मार्चला रात्री ८.४५ वाजताच्या सुमारास प्रीती या कामावरून घरी परतल्या. भानुदास यांनी त्यांना शिवीगाळ केली. प्रीती यांनी दुर्लक्ष केले. त्या पायऱ्यांवरून पहिल्या माळ्यावरील बेडरूममध्ये जायला निघाल्या. यादरम्यान भानुदास व माया या दोघांनी प्रीती यांचा हात पकडला. वायरने त्यांना शॉक दिला. शॉक लागताच प्रीती घाबरल्या. स्वतःला सावरत त्यांनी दोघांच्या तावडीतून सुटका केली. त्या खोलीत जायला लागल्या.
Highest Tempreture In Brahmapuri: विदर्भाला यलो अलर्ट! ब्रह्मपुरी देशात सर्वाधिक उष्ण, तापमान ४० अंशांपार
दोघांनी केस पकडून त्यांना पायऱ्यांवरून ओढत खाली आणले. लाथा-बुक्क्यांनी प्रीती यांना मारहाण करायला सुरुवात केली. प्रीती यांनी आरडाओरड केली. शेजारी व नातेवाईक धावले. त्यांनी जखमी प्रीती यांना खासगी हॉस्पिटलमध्ये दाखल केले, असे प्रीती यांनी तक्रारीत म्हटले आहे. पोलिसांनी गुन्हा दाखल करीत तपास सुरू केला आहे.