Satara Car Fell In Valley: साताऱ्यात एक भीषण अपघात झाला आहे. येथे कोकणात पर्यटनाला गेलेल्या पुण्याच्या पर्यटकांच्या गाडीला भीषण अपघात झाला असून त्यात दोघांचा मृत्यू झाला आहे.
पुण्यातील पर्यटक कोकणात फिरायला गेलेले
याबाबत पोलिसांनी सांगितले की, पुणे जिल्ह्यातील लोणी काळभोर येथील चारजण पांढऱ्या रंगाच्या इंडोरोहर कार ( क्र. एमएच १२ क्यूटी ७७११) मधून दोन दिवसांपूर्वी कोकणात फिरायला गेले होते. तेथून महाबळेश्वर – पाचगणी मार्गे पुण्याला जात असताना त्यांच्या गाडीला भीषण अपघात झाला.
गाडीवरील नियंत्रण सुटलं आणि गाडी थेट खोल दरीत कोसळली
पसरणी घाटात पाचगणी – वाई रस्त्यावर बुवासाहेब मंदिराजवळ शंभर मीटर अंतरावर चालकाचे गाडीवरील नियंत्रण सुटले. त्यानंतर घाट उताराचा अंदाज न आल्याने त्यांची गाडी दोनशे फूट खोल दरीत कोसळली. यामध्ये अक्षय म्हकू काळभोर, सौरभ जालिंदर काळभोर, बजरंग परबतराव काळभोर व वैभव काळभोर (रा. लोणी काळभोर, जिल्हा पुणे) हे चौघे गंभीर जखमी झाले होते. त्यांना वाई येथील खाजगी रुग्णालयात उपचारासाठी दाखल केले आहे.
दोराच्या सह्याने गाडी दरीतून बाहेर काढण्यात आली
या अपघाताची माहिती मिळताच सिद्धनाथवाडी येथील शिवसह्याद्री रेस्क्यू टीमच्या कार्यकर्त्यांनी व वाई पोलिसांनी घटनास्थळी धाव घेऊन जखमींना दोराच्या साह्याने खोल दरीतून बाहेर काढले. यावेळी बघ्यांची मोठी गर्दी झाल्याने अनेक वाहने रस्त्यावरच उभी राहिल्याने घाटात दोन्ही बाजूस वाहनाच्या मोठ्या रांगा लागल्या होत्या.
पोलीस उपअधीक्षक बाळकृष्ण भालचीम व पोलीस निरीक्षक जितेंद्र शहाणे यांनी भेट देऊन अपघाताची माहिती घेतली. वाई पोलीस ठाण्यात या घटनेची नोंद झाली असून पोलीस तपास करत आहेत.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा