होळीला परवानगी मिळत नाही, आता गणेशोत्सव येणार आहेत, पीओपींच्या मुर्तींवर बंदी आणलेली आहे. वर्षातून एकदा येणाऱ्या सणावर बंगी आणता हे कसलं हिदुत्त्व? याआधी असं कधी झालं नव्हतं. आमच्या राज्यामध्ये हिंदूंचे सण खुल्या वातावरणात होतील असे सांगत होते मग आता काय झालं? गणपती, दिवाळीमध्ये फटाक्यांवर बंधन आहेत. पर्यावरणाची इतकीच काळजी आहे मग गढूळ पाण्यामध्ये महाकुंभला लोकांना का स्नान करायला लावलं. गटार गंगेमध्ये लोकांना का डुबकी मारायला लावली, असं संजय राऊत म्हणाले.

आता कर्ज काढून राज्य चालवलं जात आहे. राज्यावरचं कर्जाचं ओझं दिवसेंदिवस वाढत चाललं आहे. लाडकी बहीण योजना आता बंद करतील, शिधा योजना आणि गरिबांच्या अशा अनेक योजना बंद केल्या. कर्ज काढून निवडणुकांत मत विकत घेतं. राज्याची तिजोरी महिलांची मते विकत घेण्यासाठी वापरली, जाहीरनाम्यामध्ये ज्या प्रमुख घोषणा आहेत. लाडक्या बहीणींना २१०० रूपये आणि शेतकऱ्यांना कर्जमाफी याचं काय करणार आहात याचं उत्तर राज्याच्या जनतेला मिळयला हवं. आठ लाख हजार कोटींच्या कर्जाचा डोंगर कसा कमी करणार आहात? असा सवालही राऊतांनी महायुती सरकारला केलाय. यावेळी बोलताना पाकिस्तानात झालेल्या ट्रेन हायजॅकमध्ये भारताचा हात असल्याचा आरोप पाकिस्तानने केलाय. यावरही राऊतांनी उत्तर दिलं आहे.

भारताचा अशा मोठ्या कांडामध्ये हात असता तर महाराष्ट्र आणि देशातील अनेक प्रकरण सहज सोडवली असतील. इतकं धाडस असतं तर चीनने ताब्यात घेतलेली ४००० वर्ग किमी जमीन सोडवली असती. अरूणाचलमधून चीनला हिसकावून लावलं असतं. हा पाकिस्तानचा अत्यंत अंतर्गत विषय आहे त्यांना तो अंतर्गत पद्धतीने सोडवायला पाहिजे, असं असं संजय राऊत यांनी म्हटलं आहे.