पर्यावरणपूरक होळी साजरी करताना एकल वापराच्या प्लास्टिकचा वापर रोखण्यासाठी महापालिकेने प्रभाग समिती निहाय कारवाई सुरू केली आहे. घनकचरा व्यवस्थापन विभाग आणि प्रभाग समितीतील कर्मचारी यांच्या समन्वयाने ही कारवाई सुरू असून इतर प्रभाग समिती क्षेत्रातही कारवाई केली जात असल्याचे प्रदूषण नियंत्रण अधिकारी मनीषा प्रधान यांनी सांगितले.
Naresh Mhaske : छत्रपती संभाजीनगर येथील औरंगजेबाची कबर नष्ट करा, शिवसेना खासदार नरेश म्हस्के यांची संसदेत मागणी
दरम्यान, १ एप्रिल, २०२४ ते ६ मार्च, २०२५ या काळात महाराष्ट्र प्रदूषण नियंत्रण मंडळ आणि ठाणे महानगरपालिकेच्या प्रदूषण नियंत्रण कक्षाचे प्रतिनिधी यांनी एकल वापराच्या प्लास्टिकच्या बंदीबाबत मोहीम हाती घेण्यात आली. त्यात, एकूण ४१८० आस्थापनांना भेट दिली. त्यातून २१३९ किलो प्लास्टिक जप्त करण्यात आले. तर, दंडापोटी १३ लाख ५६ हजार ६०० रुपये वसूल करण्यात आले.

होळी – रंगपंचमीसाठी पोलिसांकडून नियमावली जाहीर

दरम्यान, राज्यभरात होळी आणि रंगपंचमी सणाचा उत्साह असून बाजारपेठांमध्ये होळीच्या वस्तू खरेदी करण्यासाठी मोठी गर्दी झाली आहे. मात्र होळी आणि रंगपंचमीसाठी मुंबई पोलिसांनी काही महत्त्वाच्या सूचना दिल्या आहेत. पोलिसांनी जाहीर केलेल्या नियमावलीचं पालन न केल्यास कारवाई केली जाणार असल्याचं सांगण्यात आलं आहे. तसंच ही नियमावली १२ ते १८ पर्यंत असणार आहे.
Holi Rules 2025 : ‘अश्लील गाणी नको, अनोळखी व्यक्तीवर रंग फेकल्यास…’, होळीसाठी पोलिसांकडून नियमावली जारी
अनेकदा बेशिस्तपणे होळी खेळत अनोळखी लोकांवरही रंग, फुगे फेकले जातात, अशा पोलिसांनी दिलेल्या सूचनांनंतर अनोळखी व्यक्तींवर रंग फेकल्यास कारवाईचे निर्देश पोलिसांनी दिले आहेत. तसंच होळी-रंगपंचमीसाठी जबरदस्तीने वर्गणी मागितल्यास अशांवरही कारवाई केली जाणार आहे. तसंच होळी खेळताना लाऊडस्पीकरवर अश्लील गाणी लावण्यावरही बंदी आहे.