Ajit Pawar On Ladki Bahin Yojana Maharashtra Budget 2025-26: सरकार लवकरच लाडक्या बहिणींना १५०० नाही तर दरमहा २१०० रुपये देणार असल्याचं आश्वासर महायुती सरकारने दिलं होतं. मात्र, आजच्या अर्थसंकल्पात अजित पवारांनी त्याबाबत कुठलीही घोषणा केलेली नाही.
लाडकी बहीण योजनेसाठी अर्थसंकल्पात काय?
मुख्यमंत्री माझी लाडकी बहीण योजनेअंतर्गत (Ladki Bahin Yojana) २ कोटी ५३ लाख लाभार्थी महिलांना जुलै २०२४ पासून आर्थिक लाभ दिला जात आहे. त्यासाठी आतापर्यंत ३३ हजार २३२ कोटी रुपये खर्च झालेला आहे. २०२५-२६ मध्ये या योजनेसाठी ३६ हजार कोटी रुपये प्रस्तावित आहेत.या योजनेतून मिळणाऱ्या अनुदानाचा उपयोग काही महिला गटांनी आर्थिक उपक्रमासाठी बीज भांडवल म्हणून केला, अशा गटांना आणखी प्रोत्साहन देण्यासाठी विशेष योजना हाती घेण्याचे विचाराधीन आहे.
अजित पवार हे लाडकी बहीण योजनेबाबत बोलत असताना विरोधकांनी २१०० रुपयांबद्दल प्रश्न विचारला. तेव्हा अजित पवार मध्येच थांबून म्हणाले की, जरा बजेट होऊ द्या ना… त्यानंतर त्यांनी आपलं बजेट वाचन सुरु ठेवले.
लाडक्या बहिणींना या योजनेच्या माध्यमातून दरमहा १५०० रुपये दिले जात आहेत. मात्र, लवकरच लाडक्या बहिणींना दरमहा १५०० नाही तर २१०० रुपये देऊ असं आश्वासन सरकारने दिलं होतं. त्यामुळे या अर्थसंकल्पात त्याची घोषणा होणे अपेक्षित होतं. मात्र, तसं काहीही झालं नाही. त्यामुळे लाडक्या बहिणी निराश झाल्या आहेत.
महिलांना एआयचे प्रशिक्षण देणार
तर, अजितदादांनी लाडक्या बहिणींसाठी एक मोठी घोषणाही (Maharahstra Budget Ajit Pawar Announcements) या अर्थसंकल्पात केली आहे. लाडक्या बहिणींसाठी टेक कंपनी मायक्रोसॉफ्टसोबत राज्य सरकार करार करणार असल्याची माहिती त्यांनी दिली. या कंपनीच्या माध्यमातून हजारो महिलांना एआयचे प्रशिक्षण देण्यात येणार असल्याची घोषणा अजित पवारांनी केली. त्याशिवाय अझित पवारांनी विद्यार्थिनींसाठीही काही महत्त्वाच्या घोषणा केल्या आहेत.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा